شبيك ساكتْ

وينو ملامكْ

وطولة لسانكْ

وينو صوتكْ

وينو خناركْ

لا السكات يِحبل كلام

ولا البحر يعاشر عوَّام

ولا لبيض يواتي فحام

ولا الصبر آخرو ضحكتكْ

ولا تطمع في البعد

يصون غرامكْ

وشبيك سرحت

وناسي إيدك في يديّا

و قاتل قلبك فيّا

و شبيك إنسيت

إنو الموت في الحب

من غير ديّّهْ

فسخت قديمك بسكاتكْ

و القلب الي نقشناهْ

على تراب الثنِيَّهْ

وحلفنا انو بقطرة مطر

ينبّت ذريّهْ

ممر عينيك سارحة في دنيتها

حتى كان جيت أنا بنتها  

تبعتك سقيتني مرارتها                                 

لمتاش ساكت                                    

انطق شطر توحشتك

انطق كرهتك

سب لمذاهب الكل

و إلي باعلك قلادة الفل                                                                                                                       

و لبستهالي ليلتها

وقتلي زدت فيها الشطر

وريحتي من ريحتها                         

يلعن قديم غرامكْ

و القلب إلي صانكْ

ويلعن صوتك إلي خانكْ             

ويلعن شهاويَّا