Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ما كانش حبْ

illusion-amourSaief Ezzine - سيف الزين

ما كانش حبْ

سمّيه إلي إتحبْ

سمّيه جريه في الظلمهْ

سمّيه تشعبيطه في حلمهْ

يمكن عجبتني الكلمهْ

يمكن غلطه يمكن نزوهْ

يمكن زاده شهوهْ

يمكن توحشّت الدّمعهْ

انا كيف إنحب ممكن إنهد الكعبهْ

ممكن انفوت عرش الرّب بخطوهْ

ممكن نمشى عل الماءْ

ممكن في وسط النار نترمى

ممكن نرجع سنابل من قلب الرحى

ممكن في كرش الحوت نتنفس هوا

ممكن نولي خيال كي نرمي لعصا

و قدّام عشقتي نتهد و نهدّى

ما كانش حبْ

سمّيه إلي إتحبْ

سيف الزين
ما كانش حبْ