Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

كون انت الكلمة

slam-saief-ezzine-amourSaief Ezzine - سيف الزين

أحكي نص الشهوة كلامْ

و نص الفعل تخمامْ

و نص البدر تْمَامْ

ونص الثنية صاحبْ

و دنيا في كتابْ

استكفى بلّي حضرْ

و فوتك ملّي غابْ

بالك بيك كفر ومنّك تابْ

تي محسوب كانت أياماتْ

و خسارة ساعاتْ

عشقه بحسابات

آش كان عليك في نُصْ النُصْ

تنسى إلي فات وماتْ

و احلم لا سما تحدِّكْ

و سابق الربحْ

إذا هْفتِتْ يِشدّكْ

وهات طرطوشه يدِّكْ

تهبلني كي تْنِزْ بعرقكْ

و يدّي في يدّك نُصِّينْ

و جمع النْصين محبْهْ

و عين رفّتْ

علاش كل ما تتفكّر تِتْلَفِّتْ

انحبّك تتشعبط في سحابهْ

شاحت من ماها خَفِّتْ


أحكي للمِبْلِي المُخُبِّي

أحكي غشاشر حلماتكْ

بالنفس و حرارة كلماتكْ

بشهقة صوتك في غناياتكْ

ٱحرق فرططّو خطواتكْ

و إيجا عنقني

إنحبّك تمرجني

ادّرجح غشيره في حضنيِ

و فرّتلي المنظم في قجري

واكبر ولّيلي صبيه زعبانهْ

وصوّرلي مكّه عريانهْ

وعاركني من غير دوانهْ

نص لعمر هبالْ

و نصّو تهرويله ورا حلمهْ

وبرّا الدنيا ما عندهاش كلمهْ

كون انت الكلمة و انا نَصّكْ

كون انت النَّص و انا نُصِّكْ

كون ليا النُّص و انا كٌلّكْ

كون فيّا و نسكن فيكْ

ديار معمّرة بخنّار مِنسي

و عينيك بيبان عرسي

وبرا الدنيا معندهاش كلمهْ

توعد و ماتوفيشْ

تاخذ و ماتعطيشْ

توجع و ماتداويشْ

تضيّع و ماتلاقيشْ

انتي دنيتي و انت ليا النغمهْ

حتى كان ضيّعت الكلمهْ

بالسكات نلقاك في قلبي وشمهْ

سيف الزين

Save كون انت الكلمة