Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
أنا المبلي
Saief Ezzine - سيف الزينما بدلّني شي إنت في لكنين الضيْ
و شفرك باقي يكوي كيْ
و إلّي في القلب رغم البعد باقي حيْ
شوف السما و عرّج عالقمرهْ
و سامر نجوم الليل
و أخلط معانا في اللّمهْ
نحكيلهم عليك بدموع الوحش وإلي ثمّهْ
وساعات نتّكى على خيالكْ
نتفكّر ريقك و شهد البنّهْ
وساعات تمكني شهقه غمّهْ
وساعات ندهشر تلقفني نجمهْ
ما بدّلني شيْ
و مازال في لحكاوي حكايهْ
و في الطّريق ثنايا
وما زلت انبربش عليكْ
ومازلت بريشة لقلم
ننفض في غبار غطى خطاويكْ
حرت و أنا المبلي بيكْ
بشونك و الشّامه رشمه تحت جفوتكْ
و شعرك لمسدّي على أكتافكْ
و الضحكه مخبّيه تعبك و محونكْ
ومازال هل القلب صاينك و يصونك
ومازلت نتفكر بوسة الرقبه
وراسي كي يرزن وين يتخبى
وكي انخنتب على بدنك الحرف
و يسرح لقلم من الطرف للطرف
و تزرف كلمه تتخبى في شق انهودك
وكي نطلع فوقك و نسرح في عروقك
و نحكيلك عالفلاقه و عمايل جدودك
وكي ترعش تحتي انكبش في عودك
و نعرفك من حموريه خدودك
و انلهيك و تزرف لسلطانك يد
و تقلي يتولاك لا تتعب ولا تفد
فدتني منين إتحب إتشدني شد
و تحيرني و إنحير من منين نبداك
مستانس كل شي بالخطفه منك
و ساعات يخطرلي نخطاك
حدي سيقارو انبشطرو معاك
كميه منو و كميه منك
يهلكني قداش انحبك
ومازلت نحشم منك
و نهرب من سحرك انطيح في سرك
تمنيت نتبدل وما بدلني شي
تمنّيت ننساك و نخطاكْ
ونكرهك كي تغيب و تنساني
وفي بالك إنسيتك تبربشني بالعاني
وكي تنطّقني تهرب عيناني
و إنشد صحيح مازلت إتحبني
تقلّي وفينا و تعمل فيها مغناني
نرجع عامل فيها ناسيكْ
دين الحب إلّي بلاني بيكْ
وما تبدّل شي إذا إنت نسيتْ
أنا المبلي و ما انسيت شيْ
سيف الزين
Website Design Brisbane
Tags: