جوجمة و برشاَ ضحك و بكا في راسي

برشا كﻻمات تواسي و ﻻ حد فيهم يعرف اش نقاسي  نعيش تكتب و نڨول في كﻻم ما يعلمو بيه ناسي ..

حس و سكوت و مﻻم و مجامﻻت و مدح و قدح و لهمت الدنياَ علياَّ وحديٍ ..

و نرجع و نڨول ي حليلي و يَ مطول ليليِ

ي حليلي وحديٍ ماحليل حد معاياَ .

عﻻه هملوني و شبيهم لهالحال وصلوني

ي با ياخي مافهمتش دمع عيوني ياخي ماريتينش كيف ترميت تهديت تمحيت و وفيت بعد ﻻ عمايلك فياّ هكا خلوني ..

ي با اخزرلي و احزرني و اصرب و اسخطني تي سبني و لومني و احبيني سكر علياَّ البيبان و ارمي ورايا الحجر و ڨدامي القضبان ..

ي با شوفني شبيا و قلي ي بنتي ي صبيا ..

ايجا دز باب بيتي علياً و تفقدني و شوف المرض ما عمل بيا .. ي با ليا سنين الدوايات عاملة فياً وفتني مصتني خدرتني و ما شفاتش ااسم الي فياً ..

ي با كنت نبرى و ننسا الي بيا كان جيت و شديتني من يديا ..

ي با انا بنت اخزر شوفني حس بيا ..

عﻻه خليتها بيا قسمتلي ظهري و شفيت لعدا فياّ شكون بيا و شكون يدري بدموعي في جوف اليل و الوجيعة تذبح فياً ..

شكونْ بيا و شكونْ يمسح عرق السخانة جبيني و يشري الفرحة و يهديني .. يشدني من يدي و للنور يديني

شكون بيا و شكون يبعث الضو في عيوني .. يلمس جرحي و يعقمني ب كلمة يقويني ..

وينك ليا من اكا العام ما شافتكش عيوني ..

ي با بيك ذلوني كي سكتت وقت شفتهم باعوني و بين بعضهم قسموني ..

ي با عﻻه منهم حد ما رحموني ﻻه خليتهم بيديك شوهوني ..

خلعو صدري و منك نزعوني و حط بدالي شوك و صبار ..

ي با ي رب الدار يا ساتر العار ي دايا و سبب الخنار ..

ي با فيبالك قاعدة نموت ي با ﻻ من ڨلي يزي و ارحمي روحكْ ي با فات عليك الفوت .. حتىّ الجنه منك ما تحﻻلي ..

ي با ي حليلي و يَ مطول ليليِ و منك يَ ويليِ ..