Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

مازلت

femme-ruraleFatma Omri - فاطمة عمري

مازلت نضرب جبل هدة ..

مااا زال ڨلبي يعرف طريق المودة ..

مازلت شامخة و عالية و خيالي الحيوط ما تشدة ..

مازلت ..

مازلت نعرف آنظم كلامي نڨدة ..

مازلت نڨول في إلي الڨلب رڨ لاه ..

مازلت نكتب و نعبي أوراقي كلام بكلام حديد ..

كلامي حديد على ڨلبي الصنديد ..

ڨلب مربوط بتل شوكه واعر ..

ڨلب مهدود و ما يهزه شاعر ..

ڨلب بنت الشعانبي و الريف الزاهي ..

بنت الشعانبي أخت الرجال و عرشها عالي ..

مازلت ربايت كتب و ثقافة ..

نجنح بكلامي و نحط بيه في ڨلب بنادم رحاله ..

ماني من البنات الهايفه ..

لي شغلهم حوالي و ڨصادير ..

ماني من البنات إلي يرڨصو على طبل العزره ..

رآني تربت راجل و خليفة الفلاڨه ..

فنانه بكلامي شڨيتها بحور و برور و وصلت كل البيوت ..

بنت الجبل و ما يهزني الريح ..

لا يغرك سكوتي وڨت تثور رجولتك ..

إنت راجل و الراجل لا يعلي رجولته على مرى توده ..

سايستك ، سايرتك ، و في المكنون سكنتك ..

لكن الله شهيد ..

آكمني علمتك ، أنا اللبه و ما تكيدني نباح كلاب ..

مرى مسمومه ، في شفايفي الموت و لا تبرى من دايا و لا يقبلك طبيب ..

بقلم فاطمة عمري


مازلت