يقولو ماَ نحسوُ بالوجيعةْ كاَنْ كيف يطيحْ الليلْ .. أُختكمْ حياتي عايشتهاَ ليلْ ... :))) برشاَ ليلْ معاَدش نُتقن الكتيبةْ .. معادشْ تكفيِ الحروفْ العُمق لازموُ دَمْ .. لاَزمـو نهايةْ . عُمريِ لاَ كنتْ المرىَ الضعيفةْ .. و لاَ اليِ ساًهلْ تبلفيطهاَ بكلمتينْ ..

حتىً أميِ متعرفنيشْ لكن ديماَ تقليْ .. مخكْ باش يهزنا للحبسْ .. علاَش ديماَ يستناو منيِ في المضرة ؟ و هماَ يعرفوً قوتيِ فاَشلةْ .. قويةْ علىَ روحيِ قادرة نرجع درة فعل مشومة .. قادرة نظُر .. لكنْ كاَنْ روحيِ .. قاَدرة نحطًم لكنْ كان ' أناَ' لا غيرْ .. و روحيِ .. تتمثل في براشَ حاجاتْ ..

منهاَ الناًس ليِ في القلبْ سكنتهٌم و إلا الأصَحْ هو .. الناَّس إلي هيا سكنتنيِّ قلبهاَ و عقلهاَ و حياَتهاَ .. خاطرني أنا ’ مُستَبِّدهْ‘ .. لاَ يروُق ليِّ الأمرْ .. فـــ رأيُ المُستَبَدْ ؟ .. محلاَهاَ كيفْ تكونْ فيِّ بقعةْ و تُخرجْ من غيرْ تراسْ (trasse) .. نظيفْ .. أنا منعرفشْ ما نخليشْ تراسْ .. ما نعرفشْ .. ليِّ يعرفنيِّ مُستحيلْ ينساَنيِّ .. خاَطرنيِّ أكيدْ وجَعتوٌّ مستحيلْ ينسانيِّ خاَطرنيِّ أكيدْ وَجًّعتوُ .. أكيدْ تعرفْ الفاَزْ المحلاَه كيفْ يتكسرْ .. و تجيِّ تلموٌ .. يَجرحْ بالدًّم و يوليِّ .. معاَدشْ محلاَه .. يوليِّ مشوهْ و يشَوًّهْ أذيكه أناَ .. عٌمريِّ لاَ قصدتْ لكنْ هماَّ هكاَّ وصلُّنيِّ .. هماَ في أول غصرةْ رماونيِّ .. و الشاَطرْ يتحرقْ بالنارْ مرة وحده ، يتلدَغ مره .. لكنْ أنا من كٌثرهم .. تأكدتْ منيشْ شاطرةْ .. و تسْبغتْ بالسٍّمْ .. و وليتْ نحرقْ ..

موش أناَ و اللهُ هماًّ السببْ .. هٌماًّ شكونْ ؟ هماً باب و أميِّ هماَّ الضوروفْ و العقليةْ .. هماَّ ولد فلاَنْ و بنتْ علاَّنْ .. هماًّ " صحابيِّ " الكٌلْ .. هماًّ شوفوٌرْ التَكسيْ ليِّ عيًّقني .. هماَّ طبيبْ القلبْ و مديرْ الإداره الجهويةْ .. هماّ الماَضيْ ليِّ عماَنيِّ .. هُّماً دوىَ الطبيبةْ النفسيةْ .. هماًّ حرابشْ النومْ و زرارق الوجيعةْ .. هماًّ ... برشاَّ .. هماَّ الماضيْ الحاضرْ ليخططليِّ في المستقبلْ .. هماَ إنتوماَ .. برشاَ عآر و برشاَ خُناَّرْ برشاَّ وجايعْ في الراَّسْ ما فادهاشْ بانادولْ .. برشاَّ سهرياتْ لماَ بعد الظهرْ .. برشاًّ ظلامْ .. و ماَزلتْ نعيشْ .. ماَ فهمونيشْ .. ههه يراعيوْ فياَّ يحبونيِّ نعيشْ .. بــــ ربْ الأُمه علاَشْ ! لاَ سيبهاَ عصبيةْ متكلمهتشْ ، سيبْ عليكْ لسانها بليد ما تناقشهاشْ .. تي رايْ دايخة بالدوى ما تصيحشْ تسمعْ فيكْ .. سيب عليكْ .. ماَ تعاشرشْ ، نفحةْ و العالمهاَ تو تُهربْ .. أخطاَكْ .. ماَ تغامرشْ راكْ تخسرْ و في الآخر تخرجْ بوجيعةْ .. رجَعناَ .. ماَو قتلكمْ ، لي يعرفنيِّ لازم يمشي ِّ .. و يمشيِّ بوجيعةْ متتنساشْ ..