fatma omri
jalousie-amourFatma Omri - فاطمة عمري
علاش سكتت ؟

احكيلها عليا !
عشرتنا الكببرة و حبنا القوي . سهرنا و تصبيحنا ، كلامنا و سكاتنا خرجاتنا و هبلتنا ..

احكيلها عليا بالتفصيلة
Lire la suite...  
souvenirs-resistentFatma Omri - فاطمة عمري

منسيتش و ظاهر فيا منحبش ننسا .. منسيتش نهار لي بكلمه وشوشتها في حضني لسما عليتني و نهار لـ بسكوتك هديتني , منسيتش و ظاهر فيا منحبش ننسا

منسيتش لي انت الراجل الوحدي لي هديت فيا بقعه حد ما وصللها .. منسيتش لـي انت وحدك سكنت و بلا مقابل ترعرعت و ملكت الكل في الكل ..

منسيتش و ظاهر فيا منحبش ننسا .. نهار لي روحت من عندك في قلبي جرح ينزف في عيوني دموع تحرق .. روحت من بحذاك مكسورة .. روحت نندب في حظي لي جابني ليك و في

حلمي بيك ..

تعرف من نهار لي عرفتك لــ توة لا تدعى نهار ما نطقتش إسمك ؟ تعرف لي بالي ما يهداش و ما ننساش و ما نسكتش و منتهناش بلا متجي لبالي و نشوف زينك في خيالي ..

Lire la suite...  
fille-seule-angoisseFatma Omri - فاطمة عمري

متوّحشتكش ،متكلمنيش و متجينيش و ما تسألش علياّ ..

انا متوحشّتكش اماّ نحِب نعرفْ ..

شنحواًلك ؟ شنية اخر اخبارِك و مازال اسْمي يجيِ على بالك ؟

كيفاشْ حاسٍس روحكْ ؟ مرتاح فرحان زاهي ، و الاّ في همّك لاهي ؟
Lire la suite...  
enfant-photoFatma Omri - فاطمة عمري

أَ تونس .. نهون عليك تخليّ ناسك يكرهوني فيك و يلبسوني حزام ناسف نقسم روحي طروف تنطق جواجية لي تعبات بكلام و صياح سكتوُّ فيا بالخوف ؟

أَ الولاّدة كيفاش تخلينيٍ بعد لا ليالي في البرد و المطر حتى السخانه و الجوع و المرض آدربّت جريت تضربت تجرحت تمرمدت نار و ما و ثلج و غاز و كرطوش .. درّبت و في صحتي عطيت و وحدي في الظلمة بكيت و جريت و جريت و جريت و توحشت امي و ريحتها ستفقدت فرشي الدافي و تصبيحة في سهرية مع حبيبي و لبسة مزيانه ..
Lire la suite...  
amour-dilemmeFatma Omri - فاطمة عمري

توحشتك ي جنة و نار ..

توحشتك و انت فياّ و موش معايا ، توحشتك و انت آخر العنقود و الا اول النور .. انت اكيد شمس الصبحية و النسمة على شط بحر جانفي .. انتَ لسعت ثلجة بين ضلوعي .. ريحة قهوة بنينة بعد نهار كلو تعب .. اخر كاس شاخت به روحيِ و تخيلتك قاعد بجنبيِ محاذي كتفي يديٍ في يدك و انا عاملا بلعاني ندلل عليك و نغزرلك في عينيك المُشتهات..

تخيلتك الورقة الاخيرة من روايتي و سيد خلق ربيّ و بطل حكاياتيٍ .. تخيلتك في بيتي على حيوط عالمي بين تراكني ساكن .. تخيلتك جيتني بين نارين ، نار ماتطفاشي و نار لاهبة في جاشي .. و العيون فضيحة .
Lire la suite...  
Powered by Tags for Joomla