Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
و توحشتّكْ
Saief Ezzine - سيف الزينو توحشتّكْ
و توحشّت إنْسَرْسَطْلِكْ أخباري
و إنصوّرلك ضحكتي في كلامي
وتوحشّت تقلّي دمعتك مفضوحهْ
فاش تخبّي و فاش إدّاري
و توحشّت الرّيق في خنّاري
و توحشّت نحسبلك النّجوم في لفجاري
و توحشّت حطّتت يدّك على قلبي
و إنقلك فيه كان إنت و أمّي و ربّي
و توحشّت يدّي السّاريه في يدّكْ
و توحشت الرّعشه إلي تلبّكْ
و توحشتك كي تتهجّى حروف
عشقتي و الفاتحه في قرآني
و توحشّت صياحك قببْ
و توحشّت سكاتك و تلميحكْ
وتوحشّت تقنقينك وتلحليحكْ
و توحشّت ملامك و تغنيجكْ
و توحشّت بوستك من غير سببْ
و حضنك كي إنكبش في دراجيحكْ
ومازال في خشاشي ريحة شيحكْ
ومازلت هل القلب يغنّي بإسمكْ
ومازال ساجد في تراويحكْ
يقولو الوحش ولا الأذى
وقيت ندعيلك و ندعي عليه
يعطيك حب الدّنيا و يعطيه عزا
مش كل من حصد محبّتو شقا
ومش كل من قال حبّيت كيفي تبلا
سيف الزين
Website Design Brisbane
Tags: