Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
لوجيعه فيّا طبيعهْ
Saief Ezzine - سيف الزينستْين فرد رخامْ
كريدي في زمامْ
و غصّه في كلامْ
شاح عل الخدْ
لا ذاكره للرّيحْ
ولا ريحه للشّيحْ
أذّن الخوف في منامي
فقت ما فيّقني حدْ
نغسل الماء بوجهي
نسيت نجيب كفِّي
فِي بالي حْضُورِي يْكَفِّي
حتّى الماء منّي فدْ
تكسّرني مرايتي
تجرحني بحكايتي
تورّيني تصويره مش أنا
مطر ما تفوتش غمامهْ
وجه نابت في رخامهْ
و خيال باليد يتشدْ
إنخيّط في وْراقِي
متكّي على سطر شاقِي
أنا الفاني و حرفي باقِي
مصلوب معوّج على وْتدْ
نحفر في قبري و إنساسِي
طير يُنقر في راسِي
و إنسربي في كاس فاضِي
و إندندن سعدي سعد
أنا الوقت خارج ذاتِي
وذاتي تسمّم وجعاتِي
لوجيعه فيّا طبيعهْ
كي تِتعب تَعملني سندْ
سمعت الصوت عالي صوتُو
أنا الميت كاره موتُو
بالصّوت إلْي فيّا ينادِي
تكرهني و إنحبّك يا بلادِي
و إنصوّر بخطوط حدودكْ
جبّانه ترتع على شطوطكْ
و قبري من موجو تهدْ
سيف الزين
Website Design Brisbane
Tags: