Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
للا البية
May Messelmany - مي المسلمانيللا البية ...
لا اله الا الله و الفرح واتانا
و يا سعدنا بلي جا و هنانا
و يا سعد الصبية الي بش تصبح مرية مزيانة
الصويبعات سوالف و الحنة حمرا مرجانة
الوجيه يلق و المشية بفيانة
الخزرة من تحت لتحت و العين تنحر ذبلانة
الشطحة برزانة مخلطة بتشكشيكة الريحانة
الحواجب غنج مسطرة
الريحة مسك و ورد معطرة
و التبسيمة مصورة شهد مقطرة
يا للا البية ... يا خليلة السيدة المنوبية
يا شفايف وردية ... يا رقبة رخامية
يا عوينات عسلية ترحل الدنيا جملية
يا قشرة سمرة مخملية
يا ياسمينة مفوحة المكان و مش منسية
يا خدود عليهم تفتيحة نوار عشية ...
يا غرام مغلف بصفاوة النية
يا ضحكة رنانة جهرية
و يا حكاية مكتوبة بحروف ذهبية و بابعاد روحية ...
الزغاريط علات
ريحة البخور فاحت و سرات
و بدخلة العدول القلوب دقت و حكات
العين في العين جات
و هي تمهمشت و من الحشمة زادت حلات
و خلاتلو شيرتو المذهوبة تبلات ..
و في سكات ..
يعنقر الكبوس
و يدياتها يحوز ..
و مع خطاويها على الورد يدوس ...
يخزر و شفرو ليها يبوس ...
و مايقول لعينيه حبوس ...
و يوشوشلها بالدرقة ...
"يا سعد للا .. و يا محلى تشبيكة الخلة ...
نزينلك هاك الرقبة و نقطفلك من كل ربط فلة ...
و نزين بيك دويرتي .. و ميسالش خليني ندخل في الحلة ...
يا للا ...
و كل صباح نقول يا ربي لا تقطع هالملة ...
كلمات مي المسلماني - صورة أيمن بناني
Website Design Brisbane
Tags: