Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ريتك …
May Messelmany - مي المسلمانيو جاه المطره النازله من السما
و جاه الطير إلي رغم وجيعتو شدا
و جاه الصغير إلي من رحم أمو بكا
و جاه إلي شرب من ميتك و حيا
و جاه إلي جرايرك ذبل و فنا ...
يا للات الجاه و الجاه ليك الكلام وفا
و الفم عمرو لا كل و لا عيا ..
ريتك في البلايص الكل :
وين ندور .. وين رقبتي تطول و وين روحي تزور ..
ريتك صلبه و مزيانه تصول و تجول
ريتك حره محرحره تهدر و تفور ..
فلاحه ريتك
خضار الدنيا باين في سموريتك
زرعت و حصدت و حليت ثنايا غير ثنيتك
من اعلى الاجبال فديتك
حمالة حطب فاس في إيدك
بش ندفاو و تدفي بيتك
ريتك تجري و تعكل و لا تمل
ريتك نخله شامخه مالوقوف ما تكل
ريتك ضحكه بيها الاوطان تتحل
ريتك ڨمره ليلة أربعطاش في الفرحه تهل
ريتك ميمه على ضناها في الليالي تطل
ريتك خدامه في سرد الليالي تجل
ريتك تْحِلْ و تْعِلْ و و بِلي رشك تْبِلْ
ريتك بألف عين
ريتك مرا في الولاده تنين
و عياطها وجيعة سنين
و بدمعتها روح خرجت من رحامها و مالعينين
ريتك ثوريه
خزرتك بعيده و قويه
كلماتك موزونه و مثريه
في عينيك كلمة "وطن" تلج
و شرار قلبك لعج ..
ريتك فنانه
مسارح الدنيا بيك مزيانه
قلمك رفيقك .. حزامك تْدَوٍّرْ كيف يشد بيك ضيقك .. سارحه في بحر النوتات تعلي و توطي و غناك رحيقك ...
صابه الوانك في كل مكان و راسمه طريقك ..
ريتك اول الشده و بعد ماتزول
ريتك ملايكه في المرضى تزور
ريتك مرا ... ريتك نور على نور ..
في كل زمان و وين ماكان .. ريتك ..
و زدت ريتك .. دنيا مافنات
ريتك رايه شامخه مالرايات ..
ريتك روايه ماتحكات ...
و ريتك ... سلطانه خير من بايات ...
مي المسلماني
Website Design Brisbane
Tags: