Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
تفاصيل …
May Messelmany - مي المسلمانيهي تسلطينة موال
هي حفاوة ليالي شوال
هي سرحة غروب و الهوى ميال
هي ضحكة من كبرت العيال
هي شميسة ربيع فالة بين الاجبال
هي الي ماتتبدلش مهما دارت الاجيال
هي وراك خيال
على خدك الدمع الميال،
كتفك الشيال و كلامك الحيال ...
هي الصرمية إلي مخبيها وقت العوزة
هي سكرتك من اول دوزه
هي إلي ليك منك تحوزَهْ
هي ضلعك المعوج
بالك الي عليه تلوج
تهدية خاطرك كيف تفوج
و هي انت كيف لروحك تحوج
هي الي تعرفها و ماك ناوي تبوح
هي الي بالدرڨه تداويلك الجروح
و هي زادا الي كيف تحب، تكونلها اللحم و تكونلك السكين
تتوجع .. تحمل و ما تنين
الفم ساكت و تغزر العين
تغزر لتفاصيلها تفاصيل سنين و سنين
تغزر لشعرها الي في هفتو ترا هداري منسية
بين تجعيداتو حكايا و خبايا في جدالي مرمية
مرميه على ظهر يروي تاريخ
تاريخ يسرد روايا مبلية ...
حروبات بارده .. ملذذه و سخونة و أهليه ...
تغزر لبدنها بطلعاتو و هبطاتو المطويه
جرار شامخه راويه و مرويه
خطوط محفوره بفيانه و تقاسيم جغرافيه
و إلتو ماكش عارف و حابب تقول شكوني هي ؟؟؟
هي تفصيل من تفاصيلك
هي خطوط يدك الي ماتعنيلك
هي النار الشاعله في كنينك
هي الشيطان الي يوسوسلك و الملايكه الي تحكيلك
هي قلبك الي ينويلك مخك الي يشكيلك
الضي الي في عينيك يضويلك
الدهر الي يدعي عليك و يدعيلك
هي تقاسيم بدنك و عايشه في كل تفصيلك
ڨرنة عبستك .. هزة حاجبك و تعريجات جبينك ...
هي حواء و انت آدم
هي تصليح لرايك العادم
هي كان عشقت رموشها تكونلك خادم
و كان كرهت على النفس تخليك نادم
هي المرا ...
الي ميمها ليك مرايا
راءها تخلقتلك روايا
و آلفها احلام و تقعدلك ديما في المنايا ..
مي المسلماني
Website Design Brisbane
Tags: