غلطة و تصير..

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Rahma Khlil - رحمة خْليل

سامحني مدام ماكش بش تنجم تجيب صغير"

فاش تقول فاش تخرف ربي كبير..

جربت دوايات و عقاقر اي حاجة تنجم تخلصني من كلمة عاقر..

مش الشهر هذا اكيد الشهر اللي بعدو اجي ولدي و كل شي على جالو اهون..

ياربي نحب صغير.. ياربي راني عبدك الصبور و انت المصور الغفور..

عام.. عامين.. ثمنية سنين..

يا سعدي يا هنايا ولدي جاي ولدي جاي..

تسعة شهور و نحطك في شوني ندفيك، انحي من فمي و نعطيك

نسقيك بدموع عينيا و من هم الدنيا نحميك

الاشهرة تتعدا و انت تكبر و حبك في قلبي اولي اكبر و اكبر

بيتك، فرشك، و دبشك حاضرين خترتهم بمحبة الدنيا و الدين

الايام طوالت بيا و انا توحشتك و نحب نشوفك

نسمع في صوتك في وذنيا بستك و عنقتك و كان لقيت راني خبيتك في عينيا..

وينو روح قلبي؟ نحب نشوف ولدي؟

"ولدك مات.. سامحنا غلطة و تصير في بلاد مافيهاش ضمير"

يا ولدي قتلوك.. في كردونة حطوك..

ياولدي خطفوك.. من حضني فكوك..

ياولدي عذبوني.. و على كبدتي حرقوني..

ياربي اش بش اصبرني عهالمصيبة عاوني..

اربعطاش صغير قتلوهم من والديهم حرموهم...

اربعطاش صغير مدوهم لعايلتهم بش يدفنوهم..

لا رافو بيهم لا حسو بالميمة اللي تندب عليهم..

ياولدي شنوا ذنبي و ذنبك هزوك مني لحمة، موتوك ماغير رحمة و خلاو في قلبي جمرة حتى ولا فحمة..

ماعدش نجم نبكي، ياربي العالي ليك نشكي..

حسبي الله و نعم الوكيل في كل ظالم شرير..

رحمة خْليل

Website Design Brisbane

Tags: