صدق إلي قال

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ibtihel Harakati - إبتهال الحركاتي

صدق الكلام في الفعل ..

هذا شقتلي ميما كي كنت صغيرة ..

هالكلمة عاشت معايا سنين وسنين .. تزن في وذني القلب فرحان وإلا حزين ..

كلام ناس بكري ذهب..

كلام ياسر موزون .. كيما نهار البارح كيما نهار اليوم ..

قتلي يا بنيتي الزين زين الفعل والبشر أغزر لعروقو إلي في التراب مغروسة ..

أدور برور وبحور وفعلك يجبدك وتربيتك هي إلي دوم ..

رد بالك تغرك الكلمة لحنينة .. تبكيك وتخليك في حيرة ..

رد بالك تغرك المظاهر .. يا مزين من برى شحالك من داخل..

احنا نساء بهمتنا وقدرنا.. وإلي بوسة ترضيه لا خير فيه ..

صحيح تتغر وتتقهر.. أما الزمان بعمرو ما يخليك مدام راضين عليك والديك ..

بنيتي خوذها نصيحة مني ليك الوقت والظروف ما يبدلّو حد، الباهي باهي و الخايب خايب، كل واحد أصلو يرجع عليه ..

تفكرت كلامها وتنهدت .. طلبتلها الرحمة وستغفرت ..

وكيما قالوا ناس بكري :الكلمة من عند الرخيص لا تزعزع و لا تقيس و الكلمة من عند الغالي تسهرك الليالي

بقلم ابتهال الحركاتي

Tags: