شمعتي مضويتلي ليلي مع نهاري .. تواسيني في المر والحلو .. نحكيلها الموجود .. تسمع مني وما تبوحش بسري .. يمكن ما عندهاش لسان إلي يميزها عالانسان.. ناخو منها النور إلي فيها .. تعطيني وما تحاسبنش تسمع مني وما تخلنيش ..

حكيتلها برشا حكايات حتى إلي في قلبي بني وبين روحي ما نبوحش بيه .. تحس بيا وكلامي الغيرها ما تعطيه .. على أول ما نشعلها تدمع عينها تقول حاسى بالقلب وإلي فيه .. ما نحبش نقول موجوعة وإلا فرحنا.. كل نهار وقاسمو ..

تنجم تقول في اللحظة هذي نص بنص .. يمكن الصبر تعبني شويا.. ستنيتو وهو هرب بيا .. صبرت عالصبر والصبر ما حس بالصبر إلي فيا.. قالولي اصبر تو تنال .. أي صبرت ومبعد هذا شنيا الموال .. تنجم تقول خذا مني الوقت أكثر مالوعدني بيه.. قالي استنا يا طفلة هذا حال الزمان وإلي فيه .. تصور الصبر ولى يصبر فيا.. ما عرفتش حاس بالدنيا وإلا حاس بيا .. قالي اصبر عالمر مهما يطول لعمر .. قتلوا هانا صابرين عالدنيا إلي ادور أما الصبر كبير وللصبر حدود .