والله كﻻمي يوجع فياً و ما تعلم بالخفا ..

رغبتي في البكا معادش تريحني ..

نهرب منك ليك .. خاطر رغم نجم نهرب لاي حاجة اخرى انشالله حتىّ نشرب برشا دوى تو نرڨد حتى جمعه و اﻻ منفيقش جمﻻ ..

لكن انا رغم انت وجعي نجي نشكيلك و نحكيلك و نبكيلك و نصيح و نغص باادمع و نسكت و نفرز كﻻمي و نشوف كﻻم في عينيك و فمك ساكت .. حضنك دنياَّ .

لو انت موش عالم راك  ركن صغير فيه هوى نضيف لياً ..

هو اذا انت موش حبيبي راك صديقي و اذا موش هاذم الزوز راك روح عايشة فياً و اﻻ انا حابة نعيشها ..

هو انت حتىّ حد و كل شيء في نفس الوقتْ ..

نقربلك ما بيني و بينك كان الهوى نشتهي نخليك لياً و عندي لكن كل شيء فيك موش معاياً اﻻ وجودك ..

خليني .. و متموتميش

انت بﻻ قيود بﻻ عﻻقة بﻻ إطار بﻻ اسم بﻻ هوية .. دنيايا .

دنياَّ ما فيها حد غيري ..

انت بابا و خويا و راجلي و كل ما أحتاج و صغيري ..

دنياَّ موش مهم كيفاشْ تتعاش المهم ما تموتش ، كل شيء فيك يشبه للنشوة .. صحيح منعرفهاش لكن نحب نعيشها و غيرك ما نشتهاش .. تي منحملهاش و منجمتهاش ..

تتهز الروح و تتحط بين غزراتك و سكوتك .. و بالي نطوي الصفحه باقي الي جاي يحكي عليك .. نقرى و نكتب و نسمع فيك ..

يشد انتباهي كل ما فيك ..

- راقبني في جمعهم نلوج عليك ..-

حضورك وجودك لمستك يديك 'أمان' ..

تي اي نحلم و نرفس في حﻻب بﻻ ڨعر ..

لكن خليني سيبني ..

شتخسر كي تخليني نعيش ؟

و ماك قريتها ..

اش كان يصير في الدنيا كان تجيني بين كل الدنياَ و تهزني عندك تخليني تدفيني بالروح الي فيك ..

والله ما نخليك .. نسكت و نبلع الوجيْـــــــــعه و نتعلم الصبر و نصنع من السكوت صوت و نستناك ليالي و لو متجيش .. ؟