نا ثانه نموتْ لدم بن عمي . غدروك ا صيد الشعانبي ي كتفي و حماية خواتي ..

غدروك في الظهر طعنوك و العروفات باعوك

ﻻ رافو بيك ﻻ حسو بالاميمة لتندب عليك و من فرحة العيد حرموك ، كي الجيفة ڨلب المسرب لوحوك

اه ي ولد امي كان تشوف لي جرى على بوك و علىَ تكسيرة ظهر و كيف في في النعش جابوك ، وبين بني عمك صدروك ، عريس و كسوة العسكر لبسوك بالعلم غطوك و نساوين بزغاريد زفوك ..

حليلك و ما حليل حد معاك كان لي ربوك و عالاكتاف هزوك بالدمع غسلوك ، أختك تنادي و ما يجاوبها كان صرخت بوك " ولدي كبرتو بالهم روحلي و وجهو مكسي بالدم "

حليلك ما حليل حد معاك كان بوك و الذل كاسيه كيف تحت الحيط خلوه و الكميرا صوروه و على تﻻفزهم حطوك طلعو و هلطو في السوم بين بعضهم باعوك و شروك .

يالي راڨد عالشوك ي ماكل و شارب الفﻻحة هذا كان خلوك

ي فﻻڨ تربيت بين الأجبال في لخر في الكبدة دغروك .. ﻻ رحموك ﻻ بشڨاك حسوك ، ما يخسرو عليك كان ﻻ رحمت ﻻ انت ﻻ بوك .

نا ثانه نموتْ و يعيش بن عمي ..

ي وجيعة راسي و سبايب همي ي بﻻدي يزي ما في الڨبر من رجال تلمي ي دني ملينا من ريحة الموت و الضحية ديما بن عمي

" أهم أهم فراشيش أهم "

و خلي يڨولو جهويات تي بطبيعتنا في سجل الوفيات من نهار  الي آخر فﻻڨ مات ..

و العار سبايبو السكات ، الله يهلك الي بكى اكا لعوينات ، ي ميمتي عارفه البﻻد خﻻت و جﻻت و كل شيء فيها يلزك للممات..

بصراحة ..

بﻻدي محﻻها نوارة بيضا خالية

بﻻدي نوارة بيضا فروعها عالية و أصلها غالي .. مسكينة مغصوبة و بعرضها مضروبة .. غزالة بين ذيوبة

كالبوبة ، هذا يغزر و هذا يجس و ﻻخر ليه سنين يحربط يحب يمس .. من داخل كلها حس عياط و زياط واحد يزيد و ﻻ خر ينقص أسوام و قسمه و عرك على شكون ياكل أكثر من بين هذا الكل تسمع صوت طاغي عليهم ينادي :

"موتو الكل و خلولي بﻻدي "