تمنيت .. وتمنيت

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ibtihel Harakati - إبتهال الحركاتي

تمنيت الشمس ما تغيبش حتى نهار .. والأرض تتزرع الكل نوار ..

تمنيت الضحكة مالفم ما تتخباش .. وقلب البشر مالحقد ما يتعباش ..

تمنيت إلي يحب ما ينساش .. و القلب مالحب ما يبراش ..

تمنيت شمعتي إلي فقدتها ليا أيام وشهور.. نلقاها بجنبي حتى في البر والبحور ..

تمنيت إلي نكافيه بالباهي يكافيني ما لقيتو كان بالشر يودني ويعطيني ..

مانا كان انسان الدمعة تهبط بالأسباب أما أنا دمعتي تهبط من جرت الأحباب ..

الدنيا هذي أسباب أما فما سبب من سبب .. بشومك وبلومك إلي يحبك في نظروا تتحب ..

تمنيت الفرحة على طول دوم .. والبشر في الخير يعوم ..

تمنيت وتمنيت و مازلت نتمنى ..و إلي عطا يعطيك ويجيك الخير و تتهنى .

بقلم ابتهال الحركاتي

Tags: