ما بين الحب و الصداقه .. تموت النفس ميتين موتة في اللحظة، مع كل موقف تشهق و تقول هذا آخر نفس ، مع كل ضرف تسطر النهايه لجمودك ، تشد روحك و تغص بمشاعرك ، تحسها الدنيا مش توفى عليك وحدك ، حاجه غادي من الخيال ، من أعمق المشاعر تاع السعادة المرة ، السعادة المحرمه ، السعادة المغصوبه ، لي ماندريش نعيش بيك و إلا ليك تي المهم معاك ، لي مندريش نعيش خاطر نحب نعيش و إلا خاطر منحملش تعيش لغيري ..

تحسها وجيعه بيضا لا تقتلك لا تخليك تعيش ، لا تمشي معاها للآخر و لا تنجم تاقف على موقف ..

حاجه أكبر من العلاقات .

أكبر من إنها تتحط في إطار بسيط تحت إسم رمزي ..

أعمق من الحب بين الأحباب و أشد متن من الصداقه بين الرفاق ..

حاجه ماتوفاش مع النهايات ، حاجه أزلية عالقة بين النفس و ملك الموت ..

إحساس بليد .. يوجع ماغير تراس ، ماغير ألوان ، ماغير صوت ، يوجع و يفرهد ، يخليك فاقد لكل مداركك العقلية ، يخليك تحب تعيشها و كاهو بغض البصر شنية تعيش .. المهم ماتوفاش ، ما تموتش ، ما تتقصش لا بالوقت لا بالضروف لا بحتى شيئ :')

حاجه تخليني نبكي و في قلبي وجيعه ، تخليني نضحك و في أعماقي فرحه مغصوبه ، حكاية معندها حتى مبرر و معندها حتى معني إلا إنو مجمتش نعيش منغيرها ، و منجمتش نتعايش معاها ..

حكاية يرفضها المجتمع و العادات و التقاليد و الأعراف و المناهاج و الأديان و العائلات و الخلق ، حكاية ما يقبلها كان قلبي و ما تحسها كان روحي ..

بين الحب و الصداقه ، عمري ضاع و أنا نتفرج و يكذب لي يقول ينجم يعيشهم الزوز مع بعضهم ..

لا الحب يقبل الصداقات و الصداقات تبقى صداقات ماغير حب ..

__

مرى واقيعية راني منجمش نكتمها في قلبي و نظهر العكس ، لا مانعرفش نكون موش أنا ، مهما كانت التعاليق أنا هكا ، بالحق المقرف في ذاتي إني منجمش نكتم مشاعري و لا حتى نأجلها ..

___

فاليذهب المجتمع إلى ما أبعد من الجحيم .. ماهواش باش يواسي وحدتي و يمسح دمعتي ، ماهواش باش يشربني و يوكلني و يعطيني النفس ، ماهواش باش يحسها في الأعماق كيفي .. :') .

___

هذا كلامي إلي ما يمثل حد غيري .

____