البنيّة التُونسِيَّة

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ibtihel Harakati - إبتهال الحركاتي

صُغْرنا زرِب وكَبَرْنا رمَى الماضي وغْدَرْنا ..

غدرنا بالحاضر الصّعيب وخوَفْنا ماللِّي جايْ وإلِّي مازال بعيد ..

الحمد لله كل شيء لاَباس أمَّا صُغْر الماضي مايتنساش..

خلِّيني نحكيلكم شويَّا عاللِّي فاتْ ..

صُغْر زمان ماكِيفو زمان ..

صغر المخْ النظِّيف والفِكْر العفيف ..

لا فيه تخُبِيث ولا كُثر الحديث ..

العاقِل يُقْعد عاقل والفْرِيفِطْ يطير ..

لا يِتْلاَم ولا يِتسب يبكي وإلا يضحك ياخذ إلي يحب ..

العقل والرّزانة ..

الزّين والفيَانة..

ميسالش منزيدش نعقدها شويا ..

هذي طفلة كالشمعة المضوية..

تحب وتتحب والشّر عليها هرب ..

خذات مالدنيا الباهي وعطاتها الأبهى..

كل إلي يشوفها تدخل للقلب ويحبها ..

ترَضيها كعْبة الحلوى في يْديها..

تَضْحك وتزيد تِزيَانْ بحْمُورَة لُون خُديهَا..

مُترُبيّة تَربيّة الجْدودْ كلّ شيّء لِيه مْكان ولِلْحدْ حدودْ ..

خْيالها مازال بِين عِينَيَّا..

ماتغِيبشْ وإلاَّ تفَارق لحْظَة علِيَّا..

حَبيتْها على خاطِرْها ساكْنَا فِيَّا..

تعْرف شْكونْ ؟

هِي البنيّة التُونسِيَّة

بقلم ابتهال الحركاتي

Tags: