لميمة

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Safe Ben Jday - صفاء بن جدي

أدور و دور ...

وتجيبها برُور و بحُور ..

أدور و دور ..

وتعرف ناس و وجوه ..

وتعدي معاهم أيام و شهور ..

أدور و أدور ..

و كل يوم تعرف صاحب وتخسر حبيب

ماتلقي حد إيحس بيك

كان اللميمة ألي بدعواتها في همك تنسيك

و ألي في محنتك تمسحلك دموعك و تواسيك

و أللي في مرضتك تسهر أعليك ومن علتك أداويك

وفي وقت ألي تبدى في مشاكلك واحل

وفي المصايب شانع و من هم الدنيا ماكش مانع

ماتلقى كان الميمة هي الى تخمم فيك

و بدعواتها ما تبخلش أعليك

و في غدرت الأصحاب و خيانة الأحباب

و قلة الزهر و تسكير في وجهك الأبواب

ما تلقى كان الميمة بضحكتها تواسيك

و في حضنها تخبيك و دفيك

هي الميمة الحنينة , الكريمة و ألي في إيديها موش ليها

و كان تطلبها في عينيها ماتبخلش أعليك بيها

و كان نهار تبعد أعليك و تخليك ..

أتو تفهم بالي الدنيا ماتسوى شي بلا بيها ..

و هي ألي تزهيلنا الدنيا و تنسينا في المشاكل ألي فيها

محلاها خزرتها , ضحكتها , ريحتها , دعوتها ..

في كل صباح و في كل خطوة ..

تحليلنا حياتنا , و تنورلنا طريقنا , و تسهللنا دنيتنا ..

و ربي إيخليك لينا يا ميمتنا ....

بقلم صفاء بن جدي

Tags: