Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
حباقة
Rahma Khlil - رحمة خْليلوشكون االي قال اللي الدنيا مقسمة لونين ؟
و تحيرني كي تقلي اختار يا ابيض يا اكحل مش الثنين ...
.و كي نقلك اللي بيناتنا ما انجمش اكون كان ڨري ؟
اصحاب ؟ احباب ؟ مش مهم الاسم ..
اخطانا من هالاسامي اللي تفرق .. منحبش نختار وحدة مالاثنين ..
انا وياك ما تنجمش توسعنا وحدة من هالجيهتين ...
انا و انت غير هالكلمتين ..
علاه لازم نختارو حب و الا صداقة ؟
ايجا نخترعو كلمة جديدة نسميوها حباقة ..
خلينا نتحرو من هالطرفين ..
اصحاب ؟ اكثر شويا ..
نحبك ؟ مازلت شويا ..
خلينا نحكيو و همنا لبعضنا نشكيو ..
و من هم الدنيا نواسيك و من جرحها اداويني ..
احنا شنو ؟
مانجمش نصنفك و ما نجمش نحطك في بلاصة من هالاثنين..
اللي بيني و بينك اقوى من هالكلمتين ..
انا وياك زوز اصحاب غير الاصحاب و زوز احباب غير الاحباب
انا وياك حتى شي و كل شي ..
انا وياك كلمة منسية مالقوالهاش اسم ..
انا وياك لون جديد غير الوانهم ..
انا وياك حكاية غير حكاياتهم ..
اخطانا من هالقوالب المصدة ، المليانة تبهنيس و ايجا نصنعو قالب جديد ..
و الا نقلك ؟ اخطانا من هالقيود و هالتسميات و ايجا نكونو ''اناوانت'' كلمتين متفرقين ما بيناتهم حتى فراغ ..
رحمة خْليل
Website Design Brisbane
Tags: