Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نعشقك
Saida Jaafer - سيدة جعفرو نحلم
ب برشا حاجات
خيالي واسع
و ما فيه حد غيرك
نحلم نراك كل يوم
فالحقيقة مش فالنوم
تتصور ؟ قلبي واجعني كيفاه وليت نراك ف منامي
اكثر ماللي فالحقيقة
نحلم بيك اكثر ماللي نعيش معاك و بيك، و ليك
نحلم، و نراك
و نراني
و نشوفنا
فرحانين
زاهين
نحلم نحل عينيا و نلقاك بجنبي
و نكمل الحلمة حقيقة
و نعنقك
و نبوسك و نتطعم البوسة و التعنيقة
و نشم هاك الريحة البنينة و نتنفسها لين تولي هوايا
نحلم نضحكلك الصباح، نحل عينيا عليك و ما نسكرهم كان بين يديك
نحلم، نمسك، نحس بيديك كي تمسني
نحس بالنفس متاعك قريبلي
نحس بشفايفك و عينيك تاكلني ماكلة
و نحلم
بدار تلمنا
و فرش يغطينا من برد الشتى
تدفيني و تكون انت الدفى
بيك، معاك، فوقك و تحتك و فيك
نتخبى و نتحمى
و نموت و نحيى فيك
نحلم، ب برشا حاجات
و مش لاقيتها الكل تو
اما مازلت قاعدة نحلم
بينا، ندورو العالم
نذوقو ماكلة جديدة
نراو ناس و قبايل و بلايص أخرى
و نشمو هوا جديد
نحلم نرمي روحي من هليكوبتر و ايدي ف ايدك
نطيشو رواحنا من فوق باتو و نعومو فالبحورات الكل
نحلم ب حاجات كي هكا
مبعد نقول لا
نكون معاك يزي
خليك بجنبي و معنقني لين نموت
يزيني
منحب شي
نشوف هاك العوينات
و هاك الشفايف
تقلي نحبك كل يوم
تكفيني
يكفي اللي جيتني هدية مالعالي
دخلت فرحة ف حياتي
و مليتها حب و هبال و ضحك
يزيني
ماعاد طالبة حتى شي
نحلم نكون معاك. وكهو
نحلم حلماتي بيك ماعادش توجعلي قلبي
و نفيق و نلقاك حذايا
و نكملو الحلمة حقيقة
و تزيان الحكاية
و يا سعدي يا هنايا..
سيدة جعفر
Website Design Brisbane
Tags: