Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نترجى فيك
Saida Jaafer - سيدة جعفرفما منامة منجمتش ننساها
جيتني فاها
و قتلي هالمزيانة شباها
مغششة، ضحكتلي و ضميتني ليك
ولتو نتفكر غزرات عينيك
في لحظة كي كاك، صحيح كانت حلمة
اما نتفكرها لحظة ب لحظة
و كلمة ب كلمة
نتفكر وقت ريحتك دخلت في جواجيا
وقت جيت نحب نمشي و انتي كبشت فيا
قتلي متروحش مغششة، ايجا نحكيو
كلامك لي تكتبلي فيه
علاه متقولهوليش فالدنيا
نحب نسمعو من بين هاك الشفايف
قتلك أخطاك لا تبات الليل فايق من جرة كلماتي، و تعدي حياتك خايف
لا تخسرني فأي لحظة، تعرفني انجم نمشي في كل دقيقة
تنجم ترقد و اول ما تحل عينيك ما تلقانيش و تشوم الفيقة
تي دقيقة، خليك شوية
نحب نزيد نشبع منك
نحب نعبي ريحتك في جرة، نخبيها في بلاصة ما يعرفها حد غيري
نشم منها و نجبد النفس و نعطي و نتذكر كي كنت عشيري
و ترجع بيا لأيامات كنا من بعضنا منفدوش
لأيامات كنت انتي انتي، و اني اني، و غير انو نكونو احنا ما نقدوش
شبيك مشوش، مدغدش
فما حاجة مبلبزة تصويرتك، كايني بديت نفيق
اخر حاجة نتفكر ريتها عينيك مسكرة
و نفيق فيك و ماكش تفيق
مشيت و خليتك
مبعد وقفت ف وسط الطريق
و رجعتلك نجري
زدت حاولت نفيقك ما حبيتش تفيقلي
غريبة فيك اش تعرف تمثل
فيبالي بيك تتبهنس عليا
غير تحب تخوفني عليك و تفجع قلبي بالفارغ
باهي فيق
نعرفك مازلت تتنفس
باين من صدرك اللي..
هه حتى صدرك ما يتحركش مالنفس
ي ميمتي مزعمك كان مشيت تمثيل خير
هاني باش نحط وذني ع فمك و نسمع النفس
و نشدك بالكمشة و نكشفلك لعبتك هه
وينو؟ شبيك ماكش تتنفس؟
لا عاد كثرتلها
فيق، يزي بلا لعب
قلبي بدى يتفجع و راسي مالكلام معاك و انت مش تجاوب فيا، تعب
تي فيق فك،.
عندي برشا جديد نحبك تسمعو
وذن و قلب كيفك مش باش نلقى
و نعرف باش نقعد نلوج و نبقى
ندور و نصول و نجول نلوج على اخر كيفك
فاللخر باش نرجعلك
فقتشي تو..؟
مساطت الحكاية..
باهي اسمع هاني باش نعد من واحد لثلاثة و حل عينيك خاتر ياسر توحشت خضارهم
واحد، اثنين، ثلاثة..
عينيا تتغمض و تبقى بيناتهم جرد تصويرة ليك و انت راقد
نترجى فيك و ماكش حابب تفيق
شبي قلبك ولى كاسح هكا
من وقتاه ما تاخذش بخاتري؟ ..
سيدة جعفر
Website Design Brisbane
Tags: