Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ليك
Fatma Cherif - فاطمة الشريفليك ...
لغزرة عينيك ...
لسنين الفرحة الي بلا بيك ما كنتش نعيشهم
للي وصلتلو في حياتي لكل ..
لريحة ياسمين تقوح كي تطلّ ..
لريجة كلامك كي تتكلم ... مضموم منضّم كي مشموم فل
لقلب أخضر ما يشيحش ..
يعطي ما يحسبش ..
يخبي و ما يكذبش ..
يحب و ما يتكلمش ..
تنهيه و ما يتعلمش
لصوتك ..
قايم من النوم حنين
تكش بقلب بنين
تهجّج فيا من حذاك قتلك التزعبين
نظرة من عينك تقتلني
و نظرة تعذبني سنين
ليك ..
لحاجة ما تكسابها كان انت ..
يقولو سر و كمون
يقولو الرجولية فنون
تعمل فيا بدلالك لين نحسبك مجنون
ليه ..
لعرش البيّة الي وصلتني ليه
للنفس الي ناحذو بيني و بين روحي يجواجيا الكل
كي نتفكر لمعة في عينيه
للماكلة الي ما تجي بنينة كان بالحديث عليه
ليك انت الي ما كيفك حد
لحفرة في الخد
لبوسة خالة تقول الي ورثتها من الجد
لحاجات ما يعرفهم حد
بخلافي انا وياك
ليك ...
لأرضك لسماك. للمطارات الي سكنتك في كرشها أكثر ما سكنت في قلبي
لصالات تستنى فيها طيارتك و نستنى فيها ترجعلي
لمطرتك تصب على أرضي الشايحة
يطلع فيها قيحوان
غناية كلها ألوان
تجنح بيا في ليلة محبة
تسقي العطشان ..
سنين الشياح الي عشنا
توفاهم في غفلة مالزمان ..
ليك ..
لكلام قد البحر ما يوفاكش حقك
لصبرك على طفلة صغيرة ربيتها على يديك
لمحبتك ليها الساكتة ..
لحرارة يديك ..
لرجال اشكال الوان ..
تلمهم يطلعو الاف
ما يسواو شي قدام جريدة تخبي وراها عينيك
بش ما يفضحوش الشي الي نحبو فيك
لرجال اشكال الوان يتعداو الاف الاف
و لا واحد فيهم و لا لكلهم نساوني فيك
ليك ...
و للشي الي نحبو فيك
بقلم فاطمة الشريف
Website Design Brisbane
Tags: