Fatma Cherif - فاطمة الشريفعشرين ديسمبر .. الاربعة متع العشية
برشا كيلوميترات بش وصلت لهوني ... باهت في روحي قداش وليت نستحلى في روحي العذاب ... ولا اش مجيّبني من بلاد لبلاد بش نتفكّر ... و يمكن بش انجم نبكي ! فمّاشي ما بعد سنين الصحراء في عيني ... تصب شتاء الدموع و تهفّت لهايب جواجيا المحروقة .. تبرد محوني ..
اليوم عشرين ديسمبر .. وكيما اليوم خمسة سنين لتالي جيت معاها لهوني .. الحال شتاء و الدنيا برد .. و للات النساء خطرلها على قهوة دافية و تشيز كيك ... و على خاطرني نحبها .. و على خاطرني نعشقها .. درت بيها البلاد ... و داديت بيها من قهوة لقهوة... على ما ترضى للا .. من حومة لحومة و من شارع لشارع .. و كل قهوة مضخمة بلايكها كبار تهزها من فوق للوطا وتقلي ما عجبتنيش ... لا .. تؤ تؤ مهاه .. لين وصلنا لراس النهج هذا .. و نثبت مليح تقول تو كيفاش قامت تصيح و قالت " آقف آقف لقيتها لقييييتها .. أهايّا أهايّا شو محلاها !" فيها sapin فيها sapin و هبطت تجري و نساتني وراها ..
Fatma Cherif - فاطمة الشريف
Fatma Cherif - فاطمة الشريف
Fatma Cherif - فاطمة الشريف
Fatma Cherif - فاطمة الشريف