Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
لاك بعيد و لاك قريب
Saida Jaafer - سيدة جعفرو فيبالك اللي آني نتعب؟
نتعب منك مش معايا
و نتعب من قلبك ناسي دايا
و ناسي إنو هو دوايا
نتعب كيف يحكيو معايا
كيف يسألوني عليك و ما نلقى ما نجاوب
كيف نتلفت و ماكش داير بيا
كيف راسي يميل و ما تسندوش
كيف صوتي يبحاح و ما تسمعوش
كيف عينيا تدمع و دموعها تشيح و ملحها ما تشوفوش
فيبالك بيا قداه نتعب ولا؟
من عينيهم حاسدتني
و من افامهم واكلتني
و من قلوبهم سارقتني
و من نفوسهم راكبتني
و نتعب منك اكثر
لاك بعيد و لاك قريب
لاك صاحب و لاك حبيب
بين البينين مرض و طبيب
و بين العام و العام يزيد الشيب
و نظفر ظفرة و نحسب شعرة
و ننسى عمري لي ضاع معاك
و مخي ما ينسى ينساك
يستناك ليالي و لو ما تجيش
و يخترعك في خيالي و بيك يعيش
اي و لمتاش نستنى
و لمتاش ما تجيش!
فيبالك بيا قداه نتعب؟ ..
سيدة جعفر
Website Design Brisbane
Tags: