Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
شوية عليك و ياسر عليا
Saida Jaafer - سيدة جعفرالحمورية اللي فوق جفوني
و السواد اللي تحت عيوني
موش شوية
الشي لي نعطي فيه من قلبي ليك
الشي لي نخرج فيه من تعبي عليك
الشي لي نسهر فيه على خاطرك
الكلام لي نصبح نكتب فيه عليك
موش شوية
كل حرف خرج بعد غصة
و كل نص كتبتو بعد ليلة دموع باتت تشهق في عوضي
و كل جواب جاوبتهولي ب كلمة وحدة عليهم
و قتلي معادش تكتبلي
موش شوية
موش شوية عليك
و ياسر فيا
تجاوبني بأكثر من كلمة..؟
عندك حق
ياسر عليك
اكثر منك معبية غصة و اختها
و اكثر منك مليانة خبابل
و اكثر منك غارقة ف سواد لياليا
و اني نكتب عليك و نستنى فيك و انت ولا على بالك بيا
ياسر عليك دمعاتي و شكاويا
ياسر حساسة و ياسر صغيرة في مخي و ياسر زمنية
ياسر غاطسة فالخيال للعنكوش
عايشة فالأحلام و نحب نعيشك فيها معايا و انت مش حابب
ياسر عليك، عندك حق
اما غير قلي متحبش، و اني نفهم
علاه ماشي من غير كلام
علاه ما جاوبت حتى حرف من حروفي
و خليت نصوصي عليك كلها ملام ف ملام
علاه شوية الضو لي كنت مضويلي بيها دنيتي كملت رديتها ظلام
علاه طفيت كل شمعة صغيرة كانت تشعل ليك، مش حرام؟
ياسر فيا، تغزرلي في عينيا
و تقلي معاش تهمني يا بنية
ياسر فيا تشدلي ايدي و تقلي سامحني
منجمش نهار نكون عميق كيفك
منجمش نفهم خنارك و همك الازرق اللي عايش في مخك ليل نهار و دمارك اللي راكب فيك، و معاش انجم نكتم اسرارك
منجمش نجاوب كلامك بأكثر من كلمة وقت انتي تبعث فيهم حيار
منجمش نحس بيك، ياسر غارقة عليا و اني منعرفش نعوم شبار
و انتي عوامة و اني حدي حد الشط،..
ياسر فيا كلمة نحبكش كي قبل؟
كلمة معاش تهمني
كلمة كرهتك، قولها هي ميسالش
و متخلينيش معلقة لا كلام لا سلام
متخلينيش باقي نمني في روحي و نبني لروحي فالأوهام
تعرف مخي صغير و خيالو واسع نهار و طولو عايش فالأحلام
باهي قلي السلام،.
عالأقل نفهمك ماشي، عالأقل انقص الملام
شوية عليك و ياسر عليا
و اللي عملتو فيا موش شوية..
سيدة جعفر
Website Design Brisbane
Tags: