Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
تعرف آش يبكيني
Saida Jaafer - سيدة جعفرو تعرف آش يبكيني؟
تبكيني شوارع نقصها وحدي
و ثنايا نتعداها و انت مش معايا
تبكيني أيامات نعديها بلاش بيك
و أشهرة و سنين و أنا ننادي و نستنى فيك
و انت مش هنا!
تبكيني كل غزرة لروحي فالمراية و شهقة نبلعها صحيحة
تبكيني غصة نشدها فيا سنين و مع اقل دڨة في بدني تبكيني
تبكيني ديار مفرقتنا، كياسات، كيلومترات
و انا منعرفكش لتو وينك و فينك و كيفنك و شكونك!
تبكيني كل لحظة تتعدى عليا وحدي
نستناك و ما تجيش
و ما نعرفش نقعد ما نستناكش
ما نعرفش اش نعمل غير اني نستناك
تبكيني شطوط نتمشى عليها وحدي
و موج يطشني و يندم
وجهي بطبيعتو مبلول بالدموع
تبكيني نبرة صوتك لي ما نسمعهاش
و غزرة عيونك لي ما ريتهاش
و تبكيني فيك خطوط يديك لي ما قريتهاش
و كل حاجة فيك ما نعرفهاش و مازلت ما اكتشفتهاش
تبكيني ميتروات نركب فيهم وحدي
و نهبط منهم بزوز، اني و دموعي
تبكيني كل مرة يقرب فيها راس العام الجديد و نقول السنا نعرفك فيه
و ما نعرفكش
تبكيني روحي كي تمنيني
كي تواسيني، كي تصبرني، كي تلهيني
و تقلي نستناك، تو تجيني،.
اما انتي ما تجيش.. و تعاود تبكيني.
سيدة جعفر
Website Design Brisbane
Tags: