Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
المونيكير الأحمر
Fatma Cherif - فاطمة الشريف
تكذب ... كل يوم تفيق الصباح بش تكذب
...
بش تتبسّم في وجوه عباد تعرفهم و أخرين ماتعرفهمش
...
و تمثّل على روحها و عالأخرين الي هي برات والي ماعاد يحرّكها شي
..
تعلّم في صحابها في القوّة و كيفاش يطويو الصفحة
..و صفحتها هي تدعثر فيها بين الغناية والغناية ...
بين الفيلم و الفيلم ... بين المطر و المطر..
بين السطر و السطر ...
من وقت الي تفيق لين تعاود تفيق و هي راقدة...
تضرب في اللغة و تلبس في الماسكوات ..
لا نسات و لاهي بش تنسى ... و تعرف بالمسبّق الي نجوم سماها اقربلها من حلمتها المخلوضة ...
الي علمتهم القوة الكل تقوّاو و وقفوا على ساقيهم
باهتين في شدّتها يهتريو باسمها ...
كان هي واحلة في روبة كحلا و صبّاط عالي و مونيكير أحمر
...
تتفكّر بيه نسمة عشقتها
...
هاك النهار في هاك العام قاللها
:
المرا الي تصبغ ظوافرها بالاحمر هي مرا تحب الدنيا
...
و من وقتها و هي تحب في الدنيا و كارهة مسرحيتها
..
من وقتها ما تشري كان المونيكير الأحمر
فاطمة الشريف
Website Design Brisbane
Tags: