Zaineb S. - زينب س

جاوني الناس الكل لدار يهنيو فيا امل فاطمة الفرقة الناس الكل فرحت بيا و الدار تعبات ، حبيبي زادة معايا و انا مازلت انجم نبعد عليه ، تلفزة راديو الكلها تكلم فيا ما تصورش الحكاية تعمل بوز هكا الناس الكل عرفت بحكاية لسعد و وليد على كل لسان ..وليد حبيبي ..وي..مصدق اللي صار معانا ..لا ..كان ترا انا ..

حملني و باسني من جبيني ..توا لازمنا انخمو فاللي جاي اللي فات انساه ..حملتو بالقوي و انا فرحانة قلبي بش يطير بالفرحة ..عدينا شهر كلو حب و بدينا انخمو فالعرس ..كل مانجي نحكيلو عالماضي متاعي نخاف نخاف بعد اللي تعدينا بيه الكل نخسرو نولي نسكت ..

بعد الثورة نظمو حفلة وطنية للفنانين فالمسرح البلدي و انا كنت من اول المشاركين مشى معايا وليد كالعادة نحظر روحي يمكيجولي ..جاتني امل :مدام ثمة شكون يحب يقابلك ..شكون؟ هي جات بش تتكلم وهو دخل و ..انا تصدمت درت للي يمكيجولي :اخرجو شوية عيشكم امل انتي زادة ..الناس الكل خرجو ..سكرت الباب و رجعتلو ..سيف اش تحب عندي اش مجيبك ما كفاكش اللي عملتو فيا قبل ..اي اي شبيك ساعة انا قولت بش تفرح كيف تراني ..نفرح انا نفرح كيف انرى واحد امسخ كيفك ..عندك الحق توا عاد شكون كيفك طلعت بطلة الثورة و حب و جوك احلى جو و انا تحسبت مع الجماعة ..اي اش نعملك كيف انت جوك خامج و فلوسك مسخة كيفهم الناس الكل تعرفك الكلب متاعهم و نهار الكل تسفقلهم ..اسمع انقولك انا خسرت كل شي حد ماعاد يحب يخدم معايا بقيت كان انتي انتي اللي لازم ترجعني كيف قبل ..نعم اش مدخلني فيك انا ..ما يهمنيش فيك تكلم الفنانين صحابك ..قربلي .انتي انتي بيدك انا نخدملك اغانيك الكل ..نعم لا هبلت اخرج اخرج عليا يا ساقط ياللي ما تحشمش ..هاو انقولك يا نخدم معاك يا نكلم حبيب القلب و نحكيلو كيف كان اسمك خديجة و لا نسيت ..تي اخرج يا هم اخرج ..نحكيلو كيفاش كنت خديمة فالديار ..نسمع فيه باهتة ..اي و ليلتنا اللي عديناها مع بعضنا نسيتها و الصغير اللي طيحتو ..تي سكر فمك اسكت اسكت ( سكرت وذني و دموعي هابطة )..مازال ، نحكيلو على نورالدين اللي سترك وردك مدام شهرزاد ..هبلت عليه بديت نضرب فيه و اندز فيه للباب ، انا حليت الباب بش انخرجو نلقى وليد !!!!!!.......

غزرلي غزرة عمري ما ننساها و مشى ، خلط نجري وراه ..وليد وليد وليييييد ..خلاني و مشى تحط فالقاع بروبتي نبكي نبمي و نضرب في وجهي و سيف تعدا من جنبي و مشى جاتني اما تجري : مدام شهرزاد لباس شبيك ..رجعت للبيت غسلت حالتي ..امل: مدام امان شد روحك شوية مازالت نص ساعة لازم نحظرو فيها ..منجمش يا امل منجمش منجمش ..امان مدام شد روحك ..عاودولي المكياج و طلعت بدن منغير روح غنيت غناية (موعود يا قلبي معايا بالعذاب موعود و عمرك عمرك ما شفت معايا فرح كل يوم نرجع لمشوار بجرح .....) دموعي هبطت عالمسرح و الجمهور قام يصفق ..كملت خرجت نجري طلعت فالكرهبة دموعي على خدي هبطت في حومة وليد نلقاه واقف مع زوز اولاد هبط مالكرهبة مشيتلو تصدم ..وليد وليد لازم نحكيو ..شدني من يدي كركرني للكرهبة رماني فوق الكرسي سكر الباب ورايا بالقوي و طار بينا ، وقف في بلاصتنا متع اول مرة عالبحر اما المرة هذي كانت مختلفة ..هبط جبد سيقارو هبط وراه نجري ..وليد وليد اسمعني امان كان الناس الكل تجي ضدي انت لا ما نحملش والله منجم ما تعملش فيا هكا ..هز يدو عطاني كف حسيت روحي بش انطيح فالقاع ..

نبكي دموعي هابطة منجمتش نوقفها ..اضربني اعمل فيا اللي تحب المهم اسمع ما تقتلنيش بالحيا تعبت والله تعبت سيف اي غلط معاه اما صغيرة طيشوني دارنا نخدم فالديار اللي يضربني و اللي يصيح عليا واللي يهيني جا هو قدامي قالي نحبك و بش ننقضك مالاهانة و الفقر حبيتو ..نبكي نبكي ..حبيتو و صدقتو لعب بعقلي و عمل عملتو و هرب طيشني على طول يديه ..والله يا وليد غلط مرة وحدة في حياتي بقيت انخلص فيها حياتي الكل و مازلت انخلص ..سكر فمك من غير ما تبرر شي انتي وحدة مسخة كنت على خاطرك نرمي روحي فالنار و ما يهمنيش و تعرف هذا اما توا كرهتك ..تكذب تكذب انت تحبني و تموت عليا ، جا ماشي خلط وراه ..والله يا وليد خذيت نورالدين مش على فلوسو كيما قالو خاطر راجل معايا و خاطرني والله يا وليد لا عمري عملت حاجة فالحرام صنتلو عرضو لين مات ..دزني ..فكني انساني خرجني من مخك ..مشى و خلاني تحط فالقاع و الدنيا باردة و الروبة سواري عريانة خفيفي و انا مش حاسة بشي و دازة عالبكاء يا ربيييييي صحت فرد صيحة ...سقت الكرهبة و عينيا معبية بالدموع شوية لعملت اكسيدون ما عرفتش كيفاش وصلت لدار عديتها ليلة كاملة بكاء ..تعداو ايمات و وليد ريحتو ما ثماش انا دخلت في حالة هستيريا ماعدش انجم .انجم نقبل نخسر كل شي الا وليد لا لا ..

تعدات جمعة جمعتين ثلاثة و انا مالدار ما نخرجش كيف نرا الستديو يفكرني فيه حوايجو مازالو موجودين نمشي ندخل نشدهم و نقعد نشم فيهم لا مستحيل كان حكايتنا وفات ، نحاول معاه لازم انكلمو اكيد برد توا و غش و يتعدا عرض روحو للموت على خاطري ما ينجمش يخليني توا ..مشيتلو حلت عليا امو ..دخلت كالمهبولة ..طاطا امان وينو وليد ..اش ثمة بنيتي شبيه وجهك اكحل هكا ..طاطا امان لازمني نحكي معاه ..خرج شافني جبدني من يدي طلعني فالدروج و امو باهتة ما فهمت شي ..اش تحب انتي ..وليد لازم تصدقني والله نحبك ..قربتلو حطيت يدي على رقبتو نحاها ..شهرزاد علاش تلز فيا بش نوجعك حكايتنا وفات ..لا لااااا موفاتش مش اي حكاية هذي بش توفى مش شوية اللي تعدينا بيه ..جاني شدني من راسي شهرزاد افهم افهم اللي بيناتنا وفا ..نطرتلو يدو ..موفاش موفاش و كان يوفى انا حياتي ماعادش حاشتي بيها و هببط نجري ..طرت طيران ..كلمت امل ..الو امل نحب الادريسة متع سيف ال*** ..بعد شوية جاوبتني في مساج .....