Zaineb S. - زينب س

انا مصدومة صوتي ما حبش يخرج فمي محلول نرعش فقت شوية بديت نشد في وليد و نصيح: يا وليد سيبو سيبو ..(نبكي و نصيح) ..يا ربي امان ابعد بش تباصي روحك شي مسمعنيش و دزني بيدو و باقي يضرب فيه داخل فيه بالمشطة ..اووووه اووه على سعدي يا وليد تي ابعد ابعد يا سخطة علاش هكا بش تباصي راك ، شديتو من حوايجو نكركر فيه و اخيرا نجمت نوقفو ، لسعد فالقاع دايخ ماعادش يتحرك انا حاطة يدي على وليد مكبشة فيه خايفة لا يزيد يرجع يضربو وليد نار تقدح من عينيه و يتنفس بالقوي ..وليد اش عملت يا ربي اش عملت لراجل باصينا باصينا مشينا فيها و دازة عالبكا

خطفني من يدي و طلعني فالدروج دزني في بيت النوم و قالي: فيسع هز وراقك المهمين و برا ..شنوة و انت.. ميهمكش فيا ..مهبول انت كان نخليك ..ساقيا ترعشما عادش حاملتني نمشي بالسيف خطفت السطوش متاعي بطبيعتي ديما نحط فيه لوراق المهمين و التلفون و هبطنا فالدروج ملقيناش لسعد تصدمنا خرجنا نجريو نلقاو كرهبتو مازالت كيف عملت دورة ..

وليد اش بش نعملو توا يا ربي ياربي جبد مفتاح الكرهبة و قالي اركب ..بقيت نغزر ..صاح عليا فرد صيحة :شهرزاد قوتلك اركب..طلعت وجهي اصفر ملخلخ و هو طار بينا طيران حاسة الكرهبة من كثرت ما تجري بش طير بينا ..انا يدي على قلبي ..وليد: شهرزاد اجبد التلفونات و كسر البسات و طيشهم..شنوة ..اعمل اللي قلتلك..نرعش جبدت التلفونات نحيت البسات و عملت كيفما قالي ، ما نفيق بروحي كان قدام دارهم ، دارلي قالي :اهبط ..هبط نجري وراه مش فاهمة شي حل الباب و دخل لدار يصيح ..مهدي مهدي ..خرج مهدي مفجوع و حل عينيه ..شبيك اش ثمة ؟! امي وين ..مش هنا فالسوق ..باهي برشا ..اي اش ثمة وليد علاش هكا ..تكلمت انا: وليد ضرب لسعد الطر*** ..صاح مهدي : شنوة ؟!!!!..لسعد لسعد ..اي ..وحكينالو لحكاية ..مهدي: ما لازمش تضيعو وقت ..وليد: لا على ما يداوي روحو و يفهم اش يعمل و يطلع اسمي و الادريسة متاعنا ، مازال شوية وقت ..مهدي: الكرهبة لازمها تتخبى بالسري يطلعو كل شي ..وليد : لازمنا كرهبة اخرى ..مهدي بيدو داخل بعضو :وليد خويا شنوة في مخك ..وليد : دارنا فالبلاد هذيكا هي الحل ..مهدي صاح فرد صيحة : يا معلم والله نسيتها ما يعرفها حد استناوني درجين و انجي ..خطف مفتاح الكرهبة من عند وليد و خرج ..درجين و جانا :خبيت الكرهبة تركنتها و جبت كرهبة بو صاحبي فيسع لازم توا نتحركو ...

ركبنا و مشينا و انا ثنية كاملة نبكي اما بساكتة ، وليد ما قال شي و مهدي زادة ، وجهي يمشي لون و يجي لون جبنا على زناقي و حوم بعدنا عالpoints de controle متع الحاكم ، بدينا ندخلو في طريق بكلو سواني و اراضي فلاحية ما فيهاش برشا ديار دنيا ظلام و طريق واعرة تخوف طلعات هبطات و حفر مهدي اللي يسوق بينا وقف قدام دار كبيرة هبطنا دخلنا فيها وسط دار كبيرة و مبني فيها كان بلاصة صغيرة دخلنا ..مهدي: لازمني نمشي انرجع كرهبة الناس و انتوما ردو بالكم على رواحكم تو انحاول نرجع انجيبلكم اللازم ..جا ماشي نادالو وليد : مهدي ..اه خويا..رد بالك على امي ..تهنى.. ومشى ..(زاد وجعلي قلبي ملقيت منقول) دخلنا من باب كبير لداخل ثمة صالة كبيرة فيها فرش بو بلاسطين زربية فالقاع شمنية مسكرة فالكوان ثمة كلوار يعدي على بيت البانو (عادية و فيها دوش صغير) بيت اخرى مسكرة اكيد مش دوبا ما دخلت درت فيها اما هذا اللي شفتو بعد ..انا : وليد احكي معايا امان شنوة بش نعملو توا.. وليد : ارقد توا ارتاح و غدوة نحكيو ، جبد باكو دخان و خلاني و خرج انا اتكيت فوق الفرش متكمشة على روحي و دموعي هابطين وحدهم وليد لبرا فالبرد يتكيف و ساكت .....