Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
آخر كلام
Saida Jaafer - سيدة جعفريامّـي
ماني بنيّـتك..
تعرفني طفلة صغيرة
و طلباتي أصغر
تعرف غيابو يخلّـيني ف حيرة
و عليه ما نصبر
علاه تخلّيني ما نكتب عليه كان و دموعي على خدّيا
علاه منراهش و نبقى كان نشمّ في ريحتو في يديا
علاه
علاه متخلّينيش معاه، نهار،ليلة..
ننسى لي فيّا و نداوي ما بيّا
سيّبني ليه
يداويني و نداويه
نبقى كي العمشة نبحلق في عينيه،
و ما نرمّش
لين يخاف مني ..
خلّـيني
نعنّقو، نعصرو، ندخّلو فيا الداااخل، بالك يقرب من هالقلب و يرى حتى شويّة من اللي فيه ليه
خلّـيني نوريه
خلّـيني نحسّسو
خلّـيني نمشيلو
خلّـيني نكون معاه، ليه
كان الليلة
بربّـي
ب غلاوتي عندك
خلّـيني
منعمل شي
نغرق فيه و برا
منعملو شي
نذوقو الحلوة و المرة
خلّـيني ،سيّـبني
نوعدك نرجعلك
أمّا خلّيني معاه
نهار برك
من غير طلبان وينك و شتعمل
من غير معادش بكري و روّح
من غير الدنيا ظلامت ارجع
تي دنيتي تظلام كل م نفارقو
و تشعل تضوّي ف حضورو
من غير يزّي ما شبعت بيه
عمري منّو ما نشبع
تي الزّح، ليلة برك
صوابعي تجـسّ في قلبو يدق
و فمّي لي متعوّد ساكت
ب حبّو نطق
خلّيني
عينيا ف عينيه
و من غير منكمل الباقي
و يجي اللّيل
و مش باش نروّح
باش نتفرّجو فالقمرة مبعضنا
و بزهرنا تصبّ المطر ليلتها
و حسّها يحيّر الوجيعة
و نتفكّـر لي أنا معاه
و نضحك
سنّيا ف سنّـيه
عمبو ك الضّـحكة
منّجمش نروّح و نخلّيها
عمبو ك الزّين
مش مروّحة
حلفتت لأمي نروّح، أما منجمتش
تو نصوم..
خلّـيني هنا
معادش مروحة.
سامحني يامّـي..
سيدة جعفر
Website Design Brisbane
Tags: