Zaineb S. - زينب س

مريم ..امان احكيلي شنوة الي صار بضبط ؟ ..عفاف : حمة يزي سيب الطفلة توا ثلاثة ايام و انتي تعاود في نفس الهدرة ..حمة : مريم شعندك فها ركز معايا انا ..مريم: تي والله اداكا الي صار ..ماو شدينا جرتو وقفت وراه فالباركينق و هو دخل لكارفور يقضي و انتوما تخبيتو اكهو هو خرج و انا واقفة بجنب الكرهبة قربت منو قتلو بربي مسيو العجلة تفشتلي ميسالش تعاوني نبدلها تردد ماللول شوية و بعد نحى الفاست رماها في كرهبتو و رجعلي بدلي العجلة الي فشيناها ..

عفاف قست عليها ..هي و بعد مدلك الكرت متاعو فيها نوامرو و قلك مدابيا نعاود نراك كلمني في اي وقت ..مريم ..هههههه اي والله هكا ..حمة : اكهو مقلكش حاجة اخرى نعرفو راو ساقط... اسمع كلمو اكهو راو يستنى فيك ..عفاف نفخت و قامت من بلاصتها خزرت احمى خزرة كلها غش معاتش تنجم تشد روحها ..

بففف يزي حمى يزي وين تحب توصل للدرجة هذي مهووسة بيه سي السخطة ..حمة حلت عيناها مصدومة اول مرة عفاف تكلمها هكا ..عفاف قتلك ما نرتاح الى منشويه كيف ما شواني..عفاف: مدام تحب تنتقم منو يعني مزلت تحبو و تخمم فيه ..حمة : فاش تحكي عفاف تي انا نكرهو نتمنالو الموت ...عفاف: ههه الكره الوجه الاخر اللحب ...

مريم: تي شبيكم شعلتو في بعضكم باش تتعاركو على خاطرو..عفاف : انا غايضني خويا اما هو مايهمنيش ..خرجت و خلاتهم..مريم: شبيها عفاف زعمة تحكي افاروق..

حمى : لا لا متعملهاش قلي توة هاو خليناه يشتنى برشا وقتاش تكلمو..مريم جبدت التليفون ..انيس كان في الدار مرمي عالكنابي كاس وسكي بجنبو عالطاولة ..غناء محلول بالقوي سارح يخزر للسقف ...يتفكر فالقطوسة الي شافها فالباركينق ملي جاي من بعيد عينيه جات عليها كانت قمرة ليلة ارباعتاش شاف شعرها اصفر في لون شمس الربيع ..عيناها زرق بحر يشهويك باش تسرح فيهم بدنها مستوي مفيهوش غلطة بيضاء شمعة ..مشا في بالو قاورية فاجأتو كيف كلمتو بالتونسي لا محالة حس حاجة غريبة في لهجتها زادت حلاتها ..ت

وا ثلاثة ايام ملي شافها و عطاها نومروه تصورها تكلمو بالوقت ..هكا انيس تعود..يرمي الصنارة و يستنى الحوتة تحصل ميفرضش روحو خاطر يعرف الي الحوتة مش باش تبطى عليه ..المرة هذي طوال عليه الوقت نهار ثنين .. ثلاثة و هو يعس على التليفون كيف المراهقين ..ميحبش يستنى ..مش عوايدو يستنى ..جبد نفس مالسيقارو و نفخ الدخان فالهواء تليفونوو يسوني صوت الغناء قوي مسمعوش ..مريم: حمى هذي ثاني مرة نكلمو ميهزش لازم نمشي توة معاش بكري ..باهي اسمع كان كلمك كلمني و احكيلي بالوقت شنوة قلك..باهي داكور هيا بونوي ..

عفاف الي سبقتها خرجت من دار حمى تغزل على صحبتها مش عارفة شنوة تعمل معاها هي عشيرتها مالصغرة لكن فاروق خوها الغالي الي متحملش فيه حتى شئ حاسة روحها تخون فيه ..حمى بالنسبة ليها غالطة قعدت عالقة في الماضي و نسات الي هي بدات حياة جديدة ..وصلت للدار تلقى فاروق فالفيراندا يتكيف ..فاروق كيف السبة مش فالقهوة...فاد ما عيني باش نقابل حد وين كنت انتي..جبدت كرسي قعدت بجنبو..كنت عند حمى ..دارلها ..محكاتلك شي ..على حكاية القهوة في بالي حكاتلي ...

مزالت شادة صحيح...قربت منو حطت يدها على كتفو..فاروق خويا اصبر شوي الي طالبو منها مش ساهل راو...فاروق كمل جبد اخر نفس مالسيقارو و طفاه ..صبرت سنين باش تحس بيا معاتش نجم نصبر اكثر..توا ثلاية ايام مفماش ريحتها حاسها متبدلة معايا..عفاف فهمتو و عارفة الي احساسو في بلاصتو محبتش تزيد عليه ...بربي يزي بزي بلا هلواس خليلها شوية وقت تلقا فيه حل متكونش اناني ..فاروق جبد سيقارو اخر يرحي فيه و ساكت ....

حمى في فرشها تقلبت على اليمين على اليسار منجمتش ترقد..ملي شافت انيس حست برجة قوية كانت متخبية من بعيد هي و عفاف ترا فيه يحكي مع مريم ..حست بوجيعة قديمة تعرفها مليح ..وجيعة مربوطة بانيس ترجع كيف يبدى هو موجود ..و هي ترا فيه تفكرت كل شي ..كل لحظة عاشتها معاه حضنو ..بوستو..تحميلتوو..ريحتو ..حتى و هو بعيد حاسة الي هي شمت ريحتو..كيف شافتو مع مريم حست بالغيرة رغم الي هي بعثتها ..اااه يا ربي ..تنهدت ..نفخت بالقوي حاسة- الدنيا سخونة ..حاسة روحها مخنوقة مشات للشباك ..نسمة صيف خفيفة داخلة جبدت النفس بالقوي ..و غمضت عيناها ..تذكرت فاروق حاولت تتقوى بيه ..تتقوى بتصويرتو على الماضي الي ماشي في بالها ماعتش يأثر فيها..تصويرة انيس غلبت في مخها رجعت و بقوة ...تعرفو يخوف ..انيس يخوفها حتى و هو بعيد...تذكرت عمايلو معاها ..تذكرت انانيتو..خيانتو..استاغلالو لها..الجره الكبير الي خلاهولها مش بالساهل تنساه ...