Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
هذيكا دنيا
Mabrouk Jelani - مبروك جيلانيفادينا كلمة قلناها كيف ضاقت بينا و فاض الكأس
دنيا صعيبة و ضرباتها موجعة رزينة ,اما حملنا و استنستنا الوجيعة
رضينا بالقليل و صبرنا و الفلوس مهما كانت قليلة مهم حلال خاطر غيرها ميدومش
عشنا رجال و كيما يقول عز نفسك تصيبها
تبعنا كلام والدينا خاطرو هو الي ايناجينا , تبعنا ..
و كيما وجهونا او وجهتنا دنيا مشينا
سامحنا و طيحنا و صبرنا و نسينا
اصبر توصل ؟!
صبرنا صبرنا و ما نلنا كان لوجيعة , صبرنا و مخذينا كان الوجيعة
صبرنا و مربحنا كان تعب و قلة الحيلة
البارحة كان عمري عشرين و اليوم ثلاثين و ما وفتش الوجيعة
فقت نلقى عمر ضاع نلقى روحي حزين نتحصر على شباب و صغر راح من بين اليدين و في صبر مواصل اما وينو التغيير
زعما ربي يعوض و الا عمري ضاع بين الساقين
زعما دعوت امي بالوقت الصالح ضاعت في زمان قليل الجهد يموت
صعيبة دنيا عليا
صعيبة الضحكة في فمي
صعيبة انك لازم تضحك في وجه امك و خواتك و قلبك حزين
صعيب تضاهر بالضحكة و انت تبكي من داخل بدل الدموع دم صعيب القلب يلين
صعيب تضحك و عمرك ضاع و انت تستنى في تغيير
قلبك يتعصر و عينك تخرج في بلاصة الدموع دم كيف تشوف حبابك محتاجينك و انت عاجز تفرحهم و لو بشئ بسيط
يبكيك عجزك ,صغرك ,همك .
تنفخ , تتنهد , تحزن , تشعل سيقاروك و تستسلم . دخانك في حد ذاتو يتألم
شئ ما عاد يهم ,مريض صحيح كل مستوي الدنيا كل فيها نسلم
توجعنا او ما لقينا شكون يوسينا بنار القهر تكوينا
ميت في قلبك اما لازمك ترسم البسمة و تسلم
لازم تضحك في وجه امك الي طول عمرها همك من همها و الي يجرحك عليه تتألم
قلت, قلت, قلت لازم نرتحها و نفرحها و نحججها و نعوضها الي فات
نواريها احلى ايامات
اما الحقيقة غير ؟!
قداش كنت غالط , قداش كنت مهبول قداش تصورت دنيا حلوة و انا صغير
تخيلتها مزيانة فيها كان الخير
اليوم كبرنا و الحقيقة ديما غير
و ديما الحمد الله و خلي الي يصير يصير
فشلنا , نجحنا , مشينا , رجعنا , و لليوم صابرين نبردو في قلوبنا بتخربيش
مبروك جيلاني
Website Design Brisbane
Tags: