Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
الثورة المجيدة
Mabrouk Jelani - مبروك جيلانيزعما شنوة هالتكسيرة الي فينا
الباب الي ندقوه يتسكر علينا
حتى طريق الرحمة سدوه علينا
لا باركو ضحكتنا و لا رحمونا كي بكينا
و برا كان متنا
غير انشالله ينسونا
المشكلة في الامل وين ننسوه يجينا
يصبرنا شوية و يرجع يعملها فينا
كان البطالة و التمرميدة
و لا عزة و لا تكريمة
يزينا من كذب و التنوفيق و تزكيمة
قالو ثورتنا مجيدة؟؟
ركبتها الاحزاب و من نهضتنا تكبينا
لا خدمة لا ڨدمة حتى شبابنا فيه ترزينا
اكبر انجازاتنا صمبة الحبيب بورقيبة
و كلمة نحبك فرنسوية ممدودة في طريق السفارة المحصنة و ويقلك استقلينا
و سفير ماد وجهو في كل طريق و تركينة حالف لا يفلت لا طهور لا ختمة لا ميت لا تفتيلة
الضخ لا و لا رخ و تونس في هبطة و الغاز بعيد علينا
قالو عملنا ثورة ؟!
و الانجازات يجيبها ربي حالفين مناش متقدمين
قالو حلفو ليمين ؟و بحلفهم مكبلين ؟
يزينا من تخرنين
لا يزي سراق زيد محصنين
يحبو على سوايع زايدة مجلسنا الموقر ؟
تي اسرق و اخطف بلاد إماليها ميتين
قالو شعب مثقف هههه من فرط الثقافة خرجنا متخلفين
غرقونا في طحين
قالو دولة حضارة ؟؟!!
دولة القناطر المكسرين
و دولة الصغار الجيعانين
و مدارس تقطر و ايسيات كوكايين
الحاكم يحب على قانون يحميه
و قانون الزجر يا مواطن بنانا تحكم فيه
خلينا في التحرش و حرية المرأة
و عندي منقلك و برامج نصف الليل
و زيد عليهم اذاعة شمس و حرية المثليين
مالا قلتو قدس محتلينها الاسرائليين ؟
ايحيرك اش جد جديد تي قدسكم محتلة من عام اربعين ؟
ااأأأ مكنش فم وقتش فوتو دي بروفيل!!
غلطونا و كرهونا فيها و غبنونا
شباب هايم في البحرات فيه ترزينا
و الي بقى شاد الزطلة في تركينة
قالك شبابنا ضايع ، فاسد و ميحبش القيمة
ابكي على ثورت الشباب الي اغتصبتوها و سميتوها الثورة المجيدة الميمونة
مبروك جيلاني
Website Design Brisbane
Tags: