اليوم عيد ميلادي الثلاثين

رغم فرحة الناس و الديرين نحس في رجفة في قلبي و عيني ترف    مخبية دموع و انين

حابة نصيح و نقول بأعلى صوتي فديت من الروتين ,فديت من الوحدة كرهت دمعي لحزين

عمر الثلاثين حزين

في الثلاثين تكثر عليك العين و يكثر التخرنين

بين عماتي و خلاتي و جاراتي و حتى صحابتي لمعرسين

فماش راجل ما فماش خطاب في الطريق؟

فديت و دموعي ملأت العين كرهت حكاياتي الفاشلين و علاقتي التافهين

و عام او عامين و تعادات السنين

و دخلت الخمسة و الثلاثين او هو هو الروتين و الحديث كان على مكتوبي الرزين

تعادات السنين و تكتبت من بين المبارين و انا و جهازي مرميين

فديت من عروسات جاراتي و صحاباتي و رميان الكلام من الي يسوو و الي ميسووش

يوم بعد يوم و الايام بيا تسير و مخيبها تكهيبة الاربعين

و الي كانو صغار والو صبايا مسرارين و بنات ألعشرين اليوم معرسين و انا نندب في حظي الحزين و نبكي على مكتوبي الرزين

قدام الناس محشتيش بيهم الرجال او هم الصغار

او بيني او بين روحي حاشتي بيهم الرجال او مسؤولية بيت و  صغار

او راجل يغار ويحير عليا و صغار يملأو الدنيا عليا او يكبرو قدام عينيا

او نقوم في نصاف الليالي على صوت ولدي يبكي و نقوم نبوس و نرضع و نحمل

و نقري و نربي و نعلم و كيف يكبرو عليهم نتحير

او راجلي مني يغضب و يتغشش و من صوت الصغار يتقلق, و بعدين يرجع يستسمح و يدلل و بيا يقرق

حلم صعيب او العمر يزيد و طموحاتي تنقص و الامال تبيد

و الله فديت و من كلام الناس مرجت

تعقدت و تعبت و تظلمت في مجتمع ما يرحمش

قالو مسحورة و قالو بنية بهلولة و الي قالو معقدة و مغرورة و قالو مكتوبوها غاب من جراير مشيها البطال

قالو او قالو عليا, مرحموش وحدتي و دموع عينيا

هذا كل هاين اليوم في وجود امي تواسي فيا

خايفة من نهار صعيب, نهار تغيب عين امي نور عينيا وقتها شكون باش يواسيني و يمسح دمعت عينيا على شكون باش نتعكز, لا راجل لا صغار و لا صدر حنين نتقاسم معاه هموم الدنيا و

يحميني من الزمان الغدار.

بقلم رجل لمس بعض معاناة انثى..