Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
هات حقك
Khawla Ayari - خولة العياريفي حق الداءْ لي بلاشْ دواء ،
في حق العمر اللي تفنا ،
في حق التعب والشقاء ،
في حق المحاين والبلاء،
في حق كل غايب لتوّة لا جا ،
في حق كل عزيز علينا مشا ،
في حق الصوت لي ما يرضخش و ديمة يقول لا ،
في حق كل كل صحراء تستنا في الشتاء ،
في حق كل ريف عطشان للنظافة في قطرة الماء ...
في حق المظلوم ،
في حق لي يبات ما يذوقش طعم النوم ،
في حق الحق اللي صوتو مكتوم،
في حق كل حاير و مهموم ،
في حق الحال لي ستنيناه يتبدّل وهو يدوم ،
في حق المحروم ...
في حق القلوب لي ذابت ،
والريوس اللي قبل وقتها شابت ،
في حق الناس كيفاه خيابت ،
في حق الطفلة لي ماجاش مكتوبها وتعابت ،
في حق القلوب لي تفكرت ربي و تابت ...
في حق الضماير اللي غابت ...
في حق الزوّالي ،
في حق سهر الليالي ،
في حق كل عزيز وغالي ،
في حق الاحزان لي معثرتنا وترجع فينا بالتوالي ،
في حق كل حد ما ذلش روحو وقدرو عالي ، ...
في حق الباهي والخايب ،
في حقي انا وانت و هو وهي وهوما والناس الكل ،
في حق اللي وصلوه كلماتي واللي مازال ما قراهاش قوم اجري علا حقك وما تستناش ،
خوذ حقك من الدنيا وما تبقاش بلاش ،
حارب علا وجودك وبلاصتك للغير متخليهاش ،
هاك تشوف في الحقوق ضايعة وناس ضمايرها بايعة
خولة العياري
Website Design Brisbane
Tags: