هيّ تحبُّو و هوّ ما يحبهاشْ

هي ترا الدنيا فيهْ وهو اصلًا ما يراهاشْ

هي ديما تتوحشو وهو كالعادة ريحتو ما فمّاشْ

هي ديما في الفرحْ والحزنْ معاهْ اما في وقت الشدّة عمرها ما تلقاهْ

هي اللي تضحّي بالنومْ الغالي و تسهرلو الليالي وهو سي السيّد قدرو ديما عالي

هي تاعبة معاهْ وهو رامي هذا الكلّ وْراه

هيّ عدّاتْ عمرها تهواهْ و هوّ فنالها عمرها في الوجيعة والاَهْ

، هي ياسر تعزّو وهو المرا هذي تجيبو و المْرَا لُخْرَا تهزّو..

هي صدر حنين عليه يتكّا وهو ديما مارجها هكّة

قليل هدرة معاها لا كلامْ ولا سلامْ لا محبة ولا غرامْ قد مطوالت الايامْ

لهوّا معاها تبدّلْ ولا هي تهدّتْ ونساتْ مازالت صابرة عليهْ ديمة تقول انشاالله ربي يهديهْ كان يطلب عمري نعطيهْ ...

تعّبها و غلّبها لين نهار فاقت علا روحها و فدّتْ ...

نهارتها هوّ حبّها اما هي عليه نقمتْ خلّاتهالو واسعة وعريضة ومشاتْ ...

خزرلْها و بْكالْهَا .. ضحكتْ عليهْ ، تنهدتْ و قتلو بعد الغصّة ماتفيدْ الدّمعاتْ ، لي حبّتكْ هايْ مشاتْ خاطرها بعلّتكْ تشْواتْ و تكْواتْ

اقعدْ فيهَا ....

  

بقلم