نكرهك نحقرك نمقتك نبخر بريحتك نغزل عليك نحب نحيلك قلبك من بين جواجيك ونغرسهولك بين سنيك دمو يقطر وانت نازل عليه بقوة جهدك وتتوجع بش تحس بيا نهارت لي وجعتني ...

نحب نعطيك كرتوشة في صدرك تغلغل فيك طول بش تعر الكلام الماسط لي شبعتني بيه كيفاه يتحس !

ونحب نعطيك علا قوة يدي كف بش نفكرك في النهار اللي حطيتني فيه مع الدغف نهارت لي خنتني وغدرتني نهارت لي جيتني في ذكرا محبتنا الصباح قتلي هذا تاريخ ما يتنساش و كيفك ما نلقاش نلقاك تخون فيا مع اللي ما تسواش !

ووحب نحطك تحت الشتا في ليلة لا تخرج فيها يتيمة ولا هجالة هكاكا تبدا البرد والبرق والرعد والشتا تقطر عليك نكتة نكتة ، علاش ؟ بش تعرف عمايلك الناسطة كيفاه هبطت علا راسي كي قطرات الشتا وما خلاوليش مخ نخمم بيه .... ايجا نحيلك رواريك بش معادش تنجم تتنفس بش تفهم طعم الغياب وكيفاه انا نتخنق وانت بعيد عليا عاطي وقتك للاخرين وعامل عليا بلعاني لو كان يعطيوني قو قزح بش نصورك نخليه ونمشي نفركس علا كوم رماد بش نصورلك احلا تصويرة تعبر عليك ولا اصلا حتا السواد لون بوهرتو وخسارة فيك