Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ما صابكْ ..
Cyrine Soussi - سيرين السوسيما صابكْ ..
النّسمه اللّي داخلة مالشّباكْ
و الڤمره الهاربه في ليلْ نساكْ.
ما صابكْ..
الشّناشن العربي في يدّ أمّي
و التّخليلة و الرّوج اللّي في فمّي.
ما صابكْ ..
الرّوبة المخبّية في تراكنْ قجْري
و التّصاورْ المفروشهْ على حجْري.
ما صابكْ..
الدّالية الرّاوية بعرقي في سانْيِتْنا
و النّوارهْ اللّي تفتّحْلي في جنينتنا.
ما صابكْ..
سطيّرْ يحيّرْ في كتابْ نحبّو
والقلبْ اللّي سقيّا ليهْ يشبّوا.
ما صابكْ..
المطرة اللّي تبلّني كي تبكي غمامة
و الصّدرْ اللّي يهزّني حتّى في منامة.
ما صابكْ..
البوسة خالهْ المنسيّهْ تحتْ عيني ،
و الوحمهْ المتخبيّة في خطوطْ جبيني.
ما صابكْ..
الغزرهْ اللّي زايدهْ فيّا الشّطرْ،
و الضّحكة و ليلة من ليالي العمر.
ما صابكْ..
السرّْ المدفونْ في بير الجواجي ،
و البرڤ اللّي يلعجْ و النّجمه اللّي تلاجي.
ما صابكْ..
البردْ اللّي يڤرّسني و يشقّقْ ضلوعي،
و اليدّ اللّي تجري تمسحْ دموعي .
ما صابكْ..
الرّيحة القديمة و خيالي في مرايا،
و تركة جدّايَ و راديونْ و غنايا.
ما صابكْ..
الضّوْ الخافي في ليلْ ضاوي
و السّورْ الطّايحْ فوقْ زندي عالبركهْ ناوي .
ما صابكْ ..
الكرمهْ المعنّقهْ درجيحةْ صغري
و العكيكزْ في غفلةْ كبْري ..
ما صابكْ..
بقلم سيرين السوسي
Website Design Brisbane
Tags: