Cyrine Soussi  - سيرين السوسي

يا ربي سيدي ، 
نهار عيدي قتلولي وليدي ، 
علی محمد تشوات كبيدتي.
قتلوه خاطروا وقف مع المحروم،
و عمروا عطا باش يجيب حق المظلوم،
و كان لزم يجنح و يجيبو و عليه في السماء يحوم
قتلولي ولدي خاطر رايو بكنوز الدنيا ما بدلوش،
و صوت الحق بالفلوس ما باعوش ، 
ولدي عزيز و نفسو عزيزة و راسو مات و ماطبسوش.
ولدي حبني و مالعدو غار عليا ،
و في عيدي بروحو ما بخلش عليا،
بالأحمر و الابيض اللي في دمو سقاني و قالي "يا تونس راك غالية عليا!"
فيبالهم ولدي فاني ، نقبولو بدنو بالرصاص 
نساو اللي روحو ما تموتش و مصيرهم عندي القصاص.
حتی كان غبرو و تخباو مني من ربي ما عندهم خلاص. 
يا ولدي ، يا نوارة عمري يجعل مثواك الجنة
مانقصدش نفرط فيك ، سامح أمك هذا شنتمنی.
و انا اليوم هجرت النوم لين حقك نفك و روحك الطاهرة تتهنی.
-كلمات كتبتها بالدم و الدموع-