Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
كانت الدنيا
Ikram K. - إكرام ق.في نهار ضلام ..
لا حس لا كلام ..
عينيه تلوج ساق لتالي و ساق لقدام ..
في نهار مغيم ..
اول مرة يحس الي الليل لَيِّل..
في غرغور القايلة ..
في نهار قام ما لقاهاش ..
طيش عينيه ايمين ايسار و باقي ما لمحهاش ..
نبرتها الحلوة الحنينة ما سمعهاش..
نهار مش كيما العادة ..
نهار ناقصتو ضحكة العادة ..
تبسيمة العادة ..
البوسة الي بيها يبدى النهار كيما العادة ..
نهار ضباب ..
نهار ما عرف بعدو كان الهم و العذاب ..
البارح بحذاه الدنيا بكلها بحذاه ..
عندو علاش يعيش و يربي الريش و هي بحذاه ..
كانت عينيه .. القلب الي حياتو تنبض بيه ..
كانت الدنيا بحلوها و المر الي ما تتعدى كان بيه ..
اما اليوم البيت فارغة ..
ضلام تعيف ..
كان ريحة الدخان الي الليل كامل فيه يتكيف ..
اليوم القمرة طفات ..
خلات قلبو معلق و مشات ..
مع الي هجرت و خلات ..
اليوم ماعادش عندو علاش يعيش ..
الدنيا ماسطة لاسطة كي بيها كي بلاش ..
البارح فرحان في بالو بش تبقى معاه مهما طال الزمان ..
الدنيا علمتو الي هي القدر..
هي المكتوب و نساتو فلي تنسى..
نساتو في المكتوب ..
يعاركها يباكيها ..
يوصل من غشو يضربها ..
يوريها ..
الضلم يقريها ..
هكا كان حبو ليها ..
دمعة ورى دمعة ..
و القلب تملى و ذابت الشمعة ..
طفل حب طفلة مشى في بالو ملكها ..
جرحها عذبها و في الاخر عشقها ..
بعد ما فات الفوت .. و فهم الي الدنيا فيها البعد ..
فيها الموت ..
مشات و خلات و اختارت ترتاح بعد ما القلب مات و ارتاح ..
تمنات تكمل الي حلمو بيه مع بعضهم ..
عشقة تكتبلها توفا من اول ما بدات ..
وفات و خلات برشا وجيعة ..
في قلب حب و ما عرف كان الخديعة ..
برشا ما يعرفو قيمة الي معاهم ..
الوردة الي ربي نعم بيها عليهم ..
الي تبات الليل تخمم ..
كل درجين تتكلم ..
تسال تطمن ..
الي ما يجيها نوم و قليبها عليك مهموم ..
كان بعد ما تحن عليها بتلفون ..
ما يعرفو قيمتها كان بعد ما يفوت الفوت ..
وقت السنين تتعدى و القلوب تموت ..
..
بقلم إكرام ق.
Website Design Brisbane
Tags: