Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

غمرة ..

amours-coirsesIkram Kalmemi - اكرام قلمامي

قلوب حية ..

قلوب عطشانة ..

قلوب عاشقة دايخة من بنة و حلاوة الثملة ..

عينين حامية بلهفة غريبة لمحبتك حانية..

المحبة الي بيها حلم و تخيل ..

قام من الغمرة لقى خيالك ضايع متحيل ..

غمرة ..

و عشقة حلوة موجوعة..

بين كذبك و خداعك ساكتة مفجوعة ..

غمرة ياما حلمنا بيها ثنين ..

غمرة تنسينا نوم العين ..

تروي نار العاشقين ..

الليل موحش حزين ..

ما يفكرك كان بالي تعدى عندو سنين ..

خلاك وحدك و مشى توة عامين ..

الليل دنيا اخرى ..

من حلمة لحلمة يخليك في حالة اخرى ..

انت و قلبك .. مخك .. بدنك الي سلم و حلم بالليلة لخرة ..

اللليلة الي جمعتنا .. بغمرتها نستنا.. الي ريناه .. تعلمتاه .. قريناه اعوام و سنين ..

الليلة حكاية حلوة .. تنسيك في الهم و الدوة ..

الليل حكايتي بين ايديك .. شهدي الي بجوارجي نسقيك ..

الليل محبتي ليك و بدني الي من اول غمرة سلمتو لغمزة عينيك ..

الليل شطحتنا.. دوختنا و انت ادرى بالي كان يشهيك ..

ما نجمش ننسى ما تلومنيش .. الوحش قتلني ما رحمنيش ..

كل ما نتفكر غمرتنا .. نرحع لزمان الخزرة فيها تشعل ما طفيش ..

عشقتنا .. محبتنا .. البوسة الي بيها بدات حكايتنا ..

كلو في القلب حي كيما البارح كيما اليوم قايم موجود ما عليهش لوم ..

خاطر الليل حكاية تفكر ما تنسيش ..
و القلب و كان حب يحفض ما يخليش..

الايامات بعدك ضلام في ضلام .. لا حس لا كلام ..

كان النوم و الاحلام .. و الخيالك الي سكن المنام ..

منامت صبية خلات قلبها بين ايديك واقف مش عارف الثنية ..

ضاعت بين غمرتك الي بيها تشعل و تذوب ..

خزرتك .. ايديك... عينيك .. رعشتك الي بعدها فارقت و نوات اتوب ..

من البارح مش من اليوم .. القلب هجر و سكن الهموم ..

كي تتفكر التنهيدة ..الغمرة ..المسة ..الكلمة الي تشعل اللهيبة ..

تكره الليل و اللي يصير في الليل ..

تكره المحبة الي وراتها الويل ..

و خلاتها تسلم فيك.. تسلم فالي في ايديه عرفت الخير ..

برشا وحش و برشا محبة ..

. برشة ريق يمكنها ملي يطيح الليل ..

هبال وحش ..ترنيمة.. تنهيدة .. دنيا حلوة غريبة ..

جمعتنا البارح و خلاتنا اولاد البارح ..

بغمرتنا نحلمو .. نتخيلو المخدة الي بحنانها خلاتنا واحد ..

نفس واحد .. صوت واحد.. تبلت باول دمعة ياخي فرقا الواحد ..


غمرة ..

قلوب سلمت و ماتت ..

عايشة جهامة بلاش روح ..

بعد ما ايامنا و ليالينا ولت و فاتت..


اكرام قلمامي

غمرة ..