في غريق الروح

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ikram Kalmemi - اكرام قلمامي

ممكن تقابلنا .. عاونني ما تنكرش ..

ممكن في غفلة من زمان بعيد عشت في وصتك ..

ممكن من الوقت وكي طال بيك العهد ما نتذكرش ..

ممكن حكينا ما نعدلش

في غريق الروح ..

في ليل حزين ..

وقت رقدتني في دفاك و رشقتلي بوسة بين العينين ..

وقت يجبدني مسك ايديك و يسحرني عنبر الليل ..

نمشيلك هايم مش عارف منين..

تجبد فيا حاجة غريبة .. ممكن مصيري القديم

ممكن عمر عشتو بين هداري الحي .. في المدينة عربي..

في زناقي البرط العالي .. الكبير

ممكن غادي ترويت ..

من شهد ايامك و لياليك ..

ممكن في تراكنك الهدرة تزرعت و من هنا بديت ..

ممكن هانت كي تخليت .. كي ذابت و الروح و غبرت

نمشيلك و في الحكاية غرابة ..

حكاية مزيانة .. اما خسارة فارغة كذابة ..

الوقت صباح محاذي ليل..

وقيت دوليشة وقت شربت ماء من برد البير..

وقت تنقيزة من سطح لسطح و من دير لدير .. ..

البلاصة على ما نثبت عالية .. بحر ازرق ..

من بعيد يطل .. على غريق الروح .. على زمان وردة الجيران و ريحة الفل

و سحر اذان قوي من الصمعة وقيت مغرب هل

كي فقت من ثملة منامة ..

في بلاصة مانعرف وين...

هزنا الوقت و هبلنا مصيرنا الحزين ..

وقت غلب اللون الازرق و احنا في غفلة ما بين نومين ..

ممكن في سوسة البية تكتبو البيتين ..

ممكن خاطر العشقة بدات من زمان بعيد قديم ..

ممكن خاطر الاسم ع الاسم تقرن ..

وقت تقفلت الهدرة و غاب غريق الروح

و ما عوضو كان الهم ...

اكرام القلمامي

Website Design Brisbane

Tags: