Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

عقدة انوثة #28

identite-sexuelle-perdueZaineb S. - زينب س


وين ماشين ..وين تهزنا ساقينا ...هههه نحب نعمل برشا تصاور و انتي باش تصورني انيس..تدلل يا للا شعندي نعمل ..باش نوريهم لصحابي الفرنسيس ما يهبلو عليهم..خزرلها على جنب و هز حاجب ..صحابك اذوما بنات و لا اولاد..هههه الزوز اما لولاد اكثر ..ايواه مالا شوف شكون يصورك ...

ضحكت ضحكة مالقلب..زاد فالفيتاس و طار بيها ..ما كانتش مالعاكسين خرجت راسها مالشباك و شعرها طاير و صاحت ..وووو ...هههه يا مهبولة يزي الناس تخزر..رجعت للكرسي..مفهمتش حاجة علاش في البلاد هذي ديما خايفين من بعضكم..ههه مريومة انتي في تونس مش فرنسا مش كيف كيف ..لا كيف كيف مالي جيت لتونس نلقا نفس الي يصير في فرنسا يصير هوني الفرق الي عندكم كل شي يصير في السر و الناس الكل تخبي على بعضها..

مريومة كان ناوية تكمل تعيش في تونس لازم تبدل تفكيرك و تتعلم تنافق شوي ..هههه و انتي شكون قلك الي انا باش نخلي عيشتي و حياتي في فرنسا و نعيش هوني ..وجهو تبدل ..تو يجي نهار و تبدل رايك اكيد ..حبت تبدل الموضوع ..باهي عندك ساعة تسوق ما قتليش وين ماشين ...surprise ...لا امان قلي توا..ما عندكش الصبر ..اي اي نحب نعرف..احنا توا شادين ثنية قليبية باش نعملو طرح مصيد و عندي داري غادي نرتاحو شوية..دارك وحدك ..اي مخلاها للvacance و ال week end كيف نحب نرتاح شوية مالجوجمة متاع الخدمة ..قعد يخزرلها على جنب و يشوف في تاثير كلامو عليها ..عيناها غامضين كيف البحر ما تفهم منهم شي ..

تعداو على سوق في ثنيتهم ..صاحت ..انيس اقف اقف امان ...شبيك شفما ..نحب ناخو حاجات ..وقف الكرهبة على جنب الكياس ..هبطت تجري ..يتبع فيها ..بدات تشوف فاللبسة artisanat كل مرة تجرب حاجة و فرحانة ..مرة تتلف في سفساري ..انيس شقولك ناخوه و لا شو هذا ..مضلة فوق الراس ..جبة تونسية ..كل مرة تطلعلو ب look ..و هو يتفرج و يضحك الي تلبسو يواتيها ..سرح فيها ..و هي معاه الناس الكل تركز معاها ..اول مرة انيس يلقا روحو مش هو مركز الاهتمام ..تعود يغطي بزينو و غرورو عالي معاه ..المرة هذي لقى روحو يتبع في مرا معرفش منين خرجتلو..هاز الحوايج الي شراتهم و يتبع فيها من بوتيك لبوتيك مستغرب في روحو هو انيس كيفاش موسع بالو..حط السشيات الكل فالكرهبة و طلع ..اووفف ملا عملة انا المهبول الي نتبع فيك ..ههههه نورمال لازم تستانس باش كيف تعرس ما تعبش مرتك ..

دارلها تبسم عدا يدو وراها عالكرسي و بعد هزها يلعبلها بشعرها..كان انتي تكون مرتي ميسالش نتحمل منقولش لا ..بلعت ريقها بعدت شوية عليه ..ههه هيا جعت وقتاش باش نصطادو و ناكلو..رجع لكرسيه ستوا قعدتو و ديمارا ...ايا نصيف ساعة و نوصلو.. رما صنارتو و هي بجنبو تتفرج سارحة فيه ..تفكرت حمى مسكينة عندها الحق كيفاش كانت تنجم تقاوم راجل في زينو و جاذبيتو ..سر جاذبية انيس الي كان راجل ما يستعجلش الامور ..يحب ياخو وقتو و يصبر هكا علمو المصيد ..

موسع بالك انيس كيفاش تنجم تستنى هذا الكل على حوتة يمكن تلقاها و يمكن لا..تبسم ..غادي الplaisir انك تستنى و انتي متعرفش النتيجة اما تعرف الي البحر يحبك و حوتاتو زادة ..خزرلتو في عينيه خزرة تحدي..و كيف المرة هذي البحر يتقلب عليك و الحوتة تهرب ..جا باش يتكلم يجاوبها و الصنارة تحركة جرا جبد الخيط طلعت حوتة و كبيرة زادة ..جبدها و هو ميت بالضحك ..ههههه مريومة مفماش حوتة تهرب على انيس..قعدت تخزرلو و هو يعاود يحط الطعم فالصنارة و يرمي فيها فالبحر ..كلو غرور من راسو لساقيه في غزرتو ليها كان متاكد الي صنارتو خطفت و مريم كلات الطعم كيف وخيتها...

شقولك فيا..هههه تي بربي فهمني علاش التعب هذا الكل مش كان شريناهم حاضرين خير ..مش كيف تو ترا هكا ابن ..المهم اعطيني حاجة ناكلها..او سايي وصلنا ..وين ..اهبط وصلنا هذي داري ...هبطت قدام دار متبعدش برشا عالبحر ..دخلو دار صغيرة..اثاث simple حلو و مزيان ..دخل ديراكت للكوجينة حط الحوت و هي قعدت في الصالون ..رجعلها ..مريومة مرحبا بيك الدار دارك خوذ راحتك انا سامحني باش نطلع نعمل دوش..اي اي vas y..

قامت دور فالصالون تلقى سديات قعدت تلوج بيناتهم ..هابط في الدروج يسمع في صوت ماجدة الرومي ..احبك جدا جدا جدا و اعرف اني تطورت جدا ..و احرقت خلفي جميع المراكب و اعرف اني سازهم جدا برغم التجارب و رغم الجراح . .احبك جدا و اعرف ان هواك انتحار..و اني حين سيكمل دوري سيرخى عليا الستار..كانت واقفة فالكوجينة دندن معى الغناية و تنظف فالحوت ..تكى عالباب يثبت فيها متصورش الي مرا في زينها و فيانتها تعرف طيب و هو سارح فيها مخو مشى لبعيد تخيل روحو مروح مالخدمة تاعب و تعرضو ببوسة بنينة و تدخل تجري للكوجينة باش تحضرلو الفطور..كيف ما يرى فيها توا بالضبط ..قرب منها ما حستش بيه ..مريومة ..دارت مفجوعة ..ووه انيس وقتاش جيت..هههه وقت الي انتي سارحة مع ماجدة الرومي ..ههه شكون هذي ..الي تسمع فيها ما تعرفهاش ؟!..

لا اول مرة نسمعها حطيتها بالصدفة عجبتني ..باش يجيبوها بعد جمعة في قرطاج كان تحب تو نمشيو..يا بالرسمي انيس اي نحب اكيد ..ههه باهي ان شاء الله نلقى تيكيات..ايا هات عليك تعبت انتي تو نكمل عليك ..لا خلي عليك قريب نكمل ..تي هات قتلك ..عداو الوقت يحكيو و يضحكو حتى الجوع الي كانت حاسة بيه نساتو ..كل مرة يدورلها و يحطلها حاجة في فمها ..كملو فطرو ...شدها من يدها ..ايجا حاجتي بيك ..تبع فيه هزها للصالون قعدها فوق الديفون و بدا يسكر فالشبابك و يهبط في الريدوات لين ضلامت الدنيا الكل دارلها وقلها ..تعرف توا شنوة باش نعملو ..كانت تخزرلو و مش فاهمة شئ بلعت ريقها و تبسمت نص تبسيمة ..ههه لا منعرفش ..باش نتفرجو في فيلم مزيان ..ضحكت على روحها و على افكارها المسيطرة علاها و مخوفتها كل ما تتفكر كلام حمى عليه..حط الفيلم و قعد بجنبها كان مضبيه يحملها يحطها فوق صدرو اكهو و هوما يتفرجو ..مخممش في حاجة اخرى ..الحب ينزع الحيوانية مالانسان ..المشاعر الي كان حاسها تجاهها كانت اقوى من رغباتو الكل ..

قربها منو كان يكفيه و مفرحو ..الفيلم كان يحكي على جاسوسة الي مشات باش تنتقم مالعدو و تقتلو تلقى روحها مطورت في حبو حبت تهرب معاه و تبدا حياة جديدة و كيف عرفو جماعتها خلطو علاها و قتلوها على خيانتها ..خيانتها الي كان سببها الحب ..تاثرت بالفيلم و بالمشهد لخر الي تموت فيه البطلة كينها كانت تتفرج في روحها خزرت لانيس على جنب كان يتفرج و مركز ..تذكرت الي هي الجاسوسة فالحكاية ..تذكرت علاش جات و كيفاش وصلتلو ..تذكرت حمى و وعدها ليها ..لكن هذا الكل ما يمنعش الي حاستو توا معى انيس ..رغم الي هيا متسميا عالفرنسيس و عايشة حياتها الكل بيناتهم الا انها كانت ديما تحن لحب عربي ..

تعجبها نخوة الرجال الشرقيين الي تفكرها ببوها ..من غير ما تشعر دموعها هبطو حبست صوتها ما تحبوش يفيق بيها ..دار على غفلة شافها ..مريومة شبيك ؟! ...لا لا شئ اما الحكاية تسخف. .طرشق بالضحك و عدا يدو ورا كتفها حملها ...هههه يا بنتي فيلم مش حقيقة ..نعرف اما البطلة سخفتني برشا ..زاد كبس علاها طلعلها راسها و عدا صوابعو يمسحلها في دموعها ..كانو قراب من بعضهم برشا ..الدنيا ظلام ..التاثير الي خلاه الفيلم كان قوي علاهم ..خزرلها في عيناها ..عيناها يهبلوه يخرجوه من سينتو ..هبط عينو لشفايفها الي فيهم رغبة و دعوة واضحة ليه ..قرب حتى لين حس النفس متاعها في وجهو ..ما عاتش تنجم تقاوم عندها برشا تعاند في روحها و تقسى علاها كانت رغبتها الي تكبت فيها مالي عرفتو مسيطرة علاها غمضت عيناها و استسلمت لمشاعرها ..هبط بشفايفو على شفايفها حط بوسة خفيفة ..عاودها مرة و اثنين ..بدات تترخف ..هزت يدها عداتها على لحيتو ..زاد هبل عدا يدو ورا ضهرها كبس علاها و المرة هذي كانت بوسة اطول و اعمق ...



زينب س.

Saveعقدة انوثة #28