Zaineb S. - زينب س

حميدة : ..تي سيبني يا سخطة ..ههههه يا حمة يا بوهالي إسمع بورجولية فاد ايا سيب عليك مالقهوة و نمشيو نسرحو .. براس أمك فاروق أخطنا و القهوة لشكون انخليها لروج يرتع فيها .. آييه فاد أنا زعمه إنكلم سامية حمام .. هههشكون هذي .. وحدة تعرفت عليها قدام الحمام ..

حميدة : سيب عليك إيجى عاوني ... زعمه .. براس أمك هيا إنقصر بيك النهار .. واللهي لا تحشم برا مشات معاك .. قصدو ربي للقهوة تعدى نهار خدمة بين ضحك و تفدليك نهار خفيف أما هي باقي مركزة تستنا في الليل وقتاش يجي تعرف ليل يجيبو هكا قلها انجيك كيف تبدا وحدك انحب نتفاضى بيك ...

كملو الخدمة فاروق تعب روح مالعشية زادت سيبت الروج على بكري لمت لكراسي و طواول تستنى بالدقيقة و الدرج وقتاش إطل ، ستنات ستنات لين عيات خممت إتكلمو إتفكرو لا حتى نومروه معندهاش أنيس قاعد في بيروه يغزر للمنقالة قدامو كمل الخدمة من وين كان إنجم يمشيلها مللي كمل أما هو يعرفها توا تستنى فيه كل دقيقة يبطاها عليها تزيد توترها و تعذبها و تخليها اتخمم فيه أكثر قام يمشي و يجي يخمم هذي لبه بريه هههه لازم اروضها خليها تستنى باهيلها لمرا تحب الراجل اللي يتعبها الساهل ميحبهوش ينفرو منو.... حميدة فالقهوة تمشي و تجي على عصابها تغزر للباب تستنى وقتاش يطل بدات تيأس أما باقي عندها أمل ، هي جات خارجه و هو دخل ...

ما نجمتش تشد روحها ..أنيس شبيك لتوا ... أنيس: ههه بطيت عليك حبي سامحني .. سامحتك أما ما عادش تبطى عليا.. قرب منها عدى يدو على شعرها جبد البوند حللها شعرها هبط على كتافها تفجعت .. أنيس فاش تعمل ..شدها من يديها ..سيبو شبيك علاش مخبية الزين هذا الكل عدى صوابعو بين خسلاتو هبط لرقبتها ، لحمها تقشعر بعدت : أنيس فاش تعمل ؟ ..أنيس : شبيك حميدة هبلتني راك ازين هذا اللي مخبيتو هبلني أكثر مالزين اللي نجم نراه بسهوله ... حميدة :أنيس يعيشك أنا مزلت مش فاهمة روحي معاك ..شنوه اللي مش فاهمتو .. منعرفش صدقني منعرفش.. شدها من يديها .. إجى أقعد إجى حميدة علاقتنا منحبهاش باردة نعرف معندكش علاقات قبل هذاكا علاش متعرفش كيفاش تتصرف و أنا مش مزروب أما زاده لازمك تفهمني حميدة: أنيس منحبش تقلق مني أنا منعرف شي أمان علمني انت .. قولي شنوة لازم نعمل ..

أنيس عدا يدو على خدها و ضحك : هههه متخافش نعرف اللي باش تولي كيفما نحب و أكثر و أول حاجة باش نبداو باها هيا هالمريول راو غلب عليا ههه.. حست روحها حاشمه أول مرة يقلقوها حوايجها .. أنيس جبدها ليه قرب منها جا بش يبوسها دورت وجهامش بلعاني أما مش منجما .. أنيس فد بعد اووووه حميدة أيا قوم نروح بيك .. حميدة قربت منو : سامحني أنيس والله مقصدتش قتلك منعرفش أعذرني أمان . أنيس : أوكي أوكي وفات لحكاية بش تكمل هكا راني بش إنفد .. روح بيها ثنيا كاملة ما دارش بيها حتى من يدها مشدهاش يحكي معاها ببرود هذي زاده مدروسه منو تهديد في العلاقة يجيب و توا حميدة أكيد خايفة ليفد منها و تخسرو و بش تحاول تعمل أي حاجة بش ترضيه و هذاكا اللي صار ...