بالحق ساعات نستحقو شكون نقولولو رانا موش لاباس، بالحق نستحقو شكون نكشفولو وجايعنا الدخلانية،شكون نبكيو قدامو ما غير ما نحشمو والا نخبيو دموعنا ،شكون نعنقوه ونحضنوه كنحبو عالدفاء،شكون يلم معانا اللي تكسر في نفسنا،بالحق مستحقين شكون يرا دموعنا وحزننا قبل ما يرا ضحكنا وفرحنا،مستحقين لشكون يرا حلمنا اللي قاعد يموت كل يوم ،وبدناتنا اللي تمثل انها عايشة، ومشاعرنا المجروحة من فراق الناس العزيزة علينا،محتاجين لشكون يسمع قلبنا كيف ينين والكلام اللي تدفن في داخلنا وما نجمناش نخرجوه ،

مستحقين لشكون يهز معانا هموم الدنيا اللي كسرتلنا ضهوراتنا ،شكون يمنعنا من بحر الحزن اللي غرقنا فيه،شكون ينورلنا  طريق الظلام الللي ضعنا فيه وما قيناش كيفاش نخرجو ،شكون يمدلنا ايديه ويكبس علينا  ويشدنا وما يسيبناش ،ونحسو بالقوة معاه،ما تخليوش الناس اللي تحبوهم وحدهم ،ما تهجروش احبابكم،  ما تبعدوش عليهم في الوقت اللي محتاجينكم،ما تخليوهمش يهزو روسهم ويصبطو وحدهم حطو ايديكم في أيديهم ،خلي أنفاسكم تتخلط وارواحكم تتحد شدو إيدين بعضكم عنقو بعضكم ،الدنيا صعيبة ومتاعبها كبيرة صعيب يستحملها واحد وحدو حنو على بعضكم قولو كلمة حلوة خففو باها وجايع الي تحبوهم