وقتتا اللي نعيشوه هذا  وفي الفترة اللي نمرو باها ماكش محتاج تلوم على حتى حد ماكش ملزوم باش تعاتب حد وتقلو شبيك عملت معايا هكة والا شبيك تصرفت بالطريقة هذه ،نفسك ماهيش محتاجة باش دزيد تعبها وتجرها معاك في متاهات ماهيش ناقصة يزاها ما تحملت منهم وقاسات،يكذب عليك اللي يقلك ما يلوم عليك ويعاتبك كان اللي يحبك وتمشيش  يجد عليك ك يقولو مايعزرك كان اللي يعزك،

العباد ولاو يراواها نقطة ضعف كتلوم عليهم وتعاتبهم يحبو يراوك هكة ويستمتعو بحالتك هذه ماشي في بالهم ما تنجمش تعيش بلاش بيهم واللي هوما قاعدين يسربيولك في الاكسيجين وانت بلاش بيهم ما تنجمش تعيش الوقت هذا موش لازم تعاتب حد وتعزر وتقولو شبيك ما عملتش معايا هكة شبيك ما سألتش عليا شبيك ما وقفتش معايا في محنتي علاش مافرحتش  معايا في فرحي وشلتني في ضعفي

تعرف علاش مايلزمكش  تعزر وتلوم وتعاتب خاطر كتجرب تسال روحك   زعمة اللي تعاتب فيه وتلوم فيه حاسس بيك وفاهمك وشاعر بوضعك والا كلامك يا هذا؛ تحسو قاعد يمثل اللي هو مهتم بيك وفي الواقع لا ،كلامك دخل مالوذن اليمين خرج ماليسار عز نفسك تصيبها حد ما يستاهال منك هذا الكل الا قل وندر ،حياتك ما تضيعهاش في العتاب ما توجعش قلبك على عباد وحاجات ما تستاهلش كون سيد روحك وما تخليش شكون يعرف نقطة ضعفك ويستغلها ضدك كون عزيز وغالي